பாலிவுட் திரையுலகில் முன்னணி நடிகையான மாதுரி தீக்ஷித் தற்பொழுது மும்பையில் பிரமாண்டமான ஒரு வீட்டை வாங்கியுள்ளார்.
தேஸாப், பிரேம் பிரதிக்யா, தில், சாஜன், பேட்டா, தேவ்தாஸ் போன்ற பல வெற்றிப் படங்களை கொடுத்தவர் நடிகை மாதுரி தீக்ஷித். ஐஸ்வர்யா ராயுடன் இவர் நடித்த ‘தேவதாஸ்’ திரைப்படம் ரசிகர்கள் மத்தியில் இன்றும் பேசப்படுகிறது.80’ஸ் மற்றும் 90’ஸ் கிட்ஸ்களின் கனவுக்கன்னியான மாதுரி தீக்ஷித், இப்பொழுதும் தனக்கென ரசிகர்கள் பட்டாளத்தை வைத்துள்ளார்.
நடிப்பு மட்டுமல்லாமல் நடனத்திற்கும் பேர் போனவர் தான் நடிகை மாதுரி தீக்ஷித். சீனியர் நடிகையான இவர் தற்பொழுதும் கூட படங்களிலும், வெப் சீரிஸ்களிலும் அவர் நடித்துக் கொண்டு வருகிறார். சினிமா பிரபலங்கள் பல கோடிகளில் வீடுகள் வாங்குவது சகஜமான ஒன்று தான்.
அந்த வகையில் தற்பொழுது நடிகை மாதுரி தீக்ஷித் அடுக்குமாடி குடியிருப்பில் சுமார் 48 கோடிக்கு 53 வது மாடியில் 5,384 சதுர அடிக்கு ஒரு பிரம்மாண்ட வீட்டை வாங்கியுள்ளார். தற்போது மாதம் 12.5 லட்சத்துக்கு சொகுசு வீடு ஒன்றில் 3 ஆண்டுகள் ஒப்பந்தத்தில் வசித்து வருகிறார்.
இந்த வீட்டுல இருக்குற வசதியா கேட்டா அசந்து போயிடுவீங்க. இந்த அபார்ட்மென்ட்டில் பெரிய நீச்சல் குளங்கள், கால்பந்து மைதானம், உடற்பயிற்சி கூடம், ஸ்பா, கிளப் மற்றும் பல வசதிகள் இருக்கிறதாம். இந்த வீட்டில் இருந்து பார்த்தாலே ஒட்டுமொத்த மும்பையும் சூப்பராக தெரியுமாம்.