இந்தியாவைப் பொறுத்த வரையில் ஒவ்வொரு பகுதிகளிலும் திருமண விழாக்கள் பாரம்பரிய முறைப்படி நடைபெறுகின்றன. தற்போதெல்லாம் ஒரு விழாவை வித்தியாசமான முறையில் மேற்கொள்ளும் வழக்கம் அதிகரித்துள்ளது. திருமண அழைப்பிதழ் அடிப்பதிலும் ஆடைகளை வடிவமைப்பதிலும் தொழில்நுட்பத்தின் உதவியுடன் புதுமைகளை புகுத்தி வருகின்றன. அதன்படி கேரளாவில் நடந்த ஒரு திருமண விழாவில் நடைபெற்ற மொய் விருந்தில் qr கோடு மூலமாக பணம் வசூலிக்கப்பட்டுள்ளது.
மணமக்களின் உறவினர் ஒருவர் ஆன்லைன் பணப்பரிவர்த்தனைக்கான க்யூ ஆர் கோடு பொறித்த அட்டையை தன்னுடைய சட்டை பையில் ஒட்டி இருந்தார். திருமண விழாவிற்கு வந்த உறவினர்கள் அனைவரும் அந்த க்யூ ஆர் கோடை ஸ்கேன் செய்து தங்களது மொய் பணத்தை செலுத்தினர். தற்போது இது தொடர்பான வீடியோ மற்றும் புகைப்படங்கள் இணையத்தில் வெளியாகி வைரலாகி வருகிறது.