விபத்தா..? அப்படின்னா என்ன..? – மரண பயத்தை காட்டிய.. காரை அசால்ட்டாக நிறுத்திய மாஸ் சிறுவன்…! பாராட்டும் நெட்டிசென்கள்…!

மழைக்காலங்களில் மலைப்பாதைகளில் பயணம் செய்வது மிகவும் ஆபத்தானது. அப்படி ஒரு வழுக்கலான மலைச்சரிவுச் சாலையில் கார் ஒன்று மேலே ஏற முயன்றபோது, எதிர்பாராதவிதமாக அதன் சமநிலை தவறி பின்னோக்கி நகரத் தொடங்கியது. அந்தச் சாலையில் பின்னால் மற்ற வாகனங்கள் நின்றுகொண்டிருந்ததாலும், போக்குவரத்து இருந்ததாலும், கார் வேகமாகப் பின்னோக்கிச் சென்றிருந்தால் ஒரு பெரிய விபத்து ஏற்பட்டிருக்கும். காரில் இருந்தவர்களின் நிலையை உணராமல் அங்கிருந்த பெரியவர்கள் செய்வதறியாது திகைத்து நின்று கொண்டிருந்தனர்.

அந்த நேரத்தில், சாலையோரம் நின்று இதைப் பார்த்துக் கொண்டிருந்த ஒரு சிறுவன், ஒரு நொடி கூட தாமதிக்காமல் மிகச் சாதுரியமாகச் செயல்பட்டான். அவன் உடனடியாக ஓடிச்சென்று அங்கிருந்த ஒரு பெரிய கல்லைத் தூக்கிக் கொண்டு, பின்னோக்கி நகர்ந்து வந்த காரின் பின் சக்கரத்திற்கு அடியில் முட்டுக் கொடுத்தான். சிறுவனின் இந்த வேகமான செயலால் கார் மேற்கொண்டு நகர முடியாமல் அப்படியே நின்றது. இதன் மூலம் ஒரு மிகப்பெரிய விபத்து நூலிழையில் தவிர்க்கப்பட்டது.

சிறுவனின் இந்த வீரமிக்க மற்றும் புத்திசாலித்தனமான செயல் அங்கிருந்த கேமராவில் பதிவாகி, சமூக வலைத்தளங்களில் வீடியோவாகப் பகிரப்பட்டது. இதுவரை 41 லட்சத்திற்கும் அதிகமான மக்கள் இந்த வீடியோவைப் பார்த்துள்ளனர். ஆபத்தான சூழலில் பதற்றமடையாமல், பெரியவர்களை விடவும் வேகமாகச் செயல்பட்டுப் பல உயிர்களைக் காப்பாற்றிய அந்தச் சிறுவனை ‘உண்மையான ஹீரோ’ எனப் பாராட்டி இணையவாசிகள் தங்களது வாழ்த்துகளைக் குவித்து வருகின்றனர்.