எத்தியோப்பியாவைச் சேர்ந்த ‘Kalu Putics’ என்ற கண்டென்ட் கிரியேட்டர், தற்போது இன்ஸ்டாகிராம் தளத்தில் உலக அளவில் ட்ரெண்டிங்கில் உள்ளார். ஷூ தயாரிக்கப் பயன்படும் பொருட்களைக் கொண்டு இவர் வடிவமைக்கும் வினோதமான ஆடை வீடியோக்கள் சமூக வலைதளங்களில் பல மில்லியன் பார்வைகளைப் பெற்று வருகின்றன. வெறும் 21 போஸ்ட்களை மட்டுமே வெளியிட்டுள்ள இவருக்கு, குறுகிய காலத்தில் 2.7 மில்லியன் ஃபாலோவர்ஸ்கள் குவிந்துள்ளதால் இன்ஸ்டாகிராம் நிறுவனமே வியப்பில் ஆழ்ந்துள்ளது.
இவரது அசாத்திய வளர்ச்சியைக் கண்டு பல முன்னணி நிறுவனங்கள் ‘பிராண்ட் கொலாபரேஷன்’ (Brand Collaboration) செய்ய முன்வந்தாலும், அவர் எந்த நிறுவனத்திற்கும் இதுவரை பதிலளிக்கவில்லை என்று கூறப்படுகிறது. இன்ஸ்டாகிராம் நிறுவனமே அவரைத் தொடர்பு கொள்ள முயன்ற போதும், அவர் அதற்கு எதிர்வினை ஆற்றாமல் அமைதியாக இருந்து வருவது பலரையும் ஆச்சரியத்தில் ஆழ்த்தியுள்ளது. எவ்வித விளம்பரமும் இன்றி தனது தனித்துவமான திறமையால் மட்டுமே இவர் உலகளவில் பெரும் தாக்கத்தை ஏற்படுத்தியுள்ளார்.