கேரள மாநிலம் வயநாடு பகுதியில், விசா மற்றும் வேலை வாங்கித் தருவதாகக் கூறி ரூபாய் 80,000 மோசடி செய்த வழக்கில் காவல்துறையினரால் தேடப்பட்டு வந்த துளசிதரன் பாபு என்ற நபர் இறுதியாகக் கைது செய்யப்பட்டுள்ளார். காவல்துறையினரின் பிடியிலிருந்து தப்பிப்பதற்காக அவர் தொடர்ந்து தலைமறைவாக இருந்து வந்த நிலையில், அதிகாரிகள் தீவிர விசாரணை மேற்கொண்டு அவரது இருப்பிடத்தைக் கண்டறிந்தனர்.
காவல்துறையினர் அவரைக் கைது செய்ய வீட்டிற்கு வந்தபோது, அவர் அதிகாரிகளைத் திசைதிருப்ப விசித்திரமான ஒரு முயற்சியில் ஈடுபட்டுள்ளார். வீட்டை வெளியிலிருந்து பூட்டிவிட்டு, வீட்டிற்குள்ளேயே உள்ள படுக்கையறை கழிப்பறைக்கு மேல் அமைக்கப்பட்டிருந்த போலி மேற்கூரைக்கு நடுவே சென்று மறைவாக ஒளிந்து கொண்டதாகக் கூறப்படுகிறது. வீடு பூட்டப்பட்டிருந்த போதிலும், சந்தேகமடைந்த அதிகாரிகள் வீட்டிற்குள் சென்று சோதனை நடத்தியதில் அவர் ஒளிந்திருந்த இடம் தெரியவந்தது.
https://twitter.com/CNNnews18/status/2114364208066486570/video/1
இதனைத் தொடர்ந்து, போலி மேற்கூரைக்குள் மறைந்திருந்த அவரை நோக்கி காவல்துறையினர் “சகோதரா, கீழே வாருங்கள்” என்று அன்பாகச் கூறி சமாதானப்படுத்தினர். அவர்களின் பேச்சைக் கேட்டு அவரும் வேறு வழியின்றி கீழே இறங்கி வந்ததைத் தொடர்ந்து, காவல்துறையினர் அவரைக் கைது செய்து சட்டப்பூர்வ நடவடிக்கைகளை மேற்கொண்டு வருகின்றனர்.