டேராடூனில் நடந்துள்ள இந்தத் தாய் படுகொலைச் சம்பவம், குடும்ப உறவுகளின் மீதே பெரும் சந்தேகத்தையும் அதிர்ச்சியையும் ஏற்படுத்தியுள்ளது. ஷஹீத் பகத் சிங் காலனியில் உள்ள ஒரு வாடகை வீட்டில், 65 வயதான கஜானி தேவி என்பவர் குளியலறையில் பிணமாகக் கண்டெடுக்கப்பட்டார். வீட்டின் வெளிப்பக்கம் பூட்டப்பட்டிருந்ததால், அவரது மகன் சஞ்சய் பூட்டை உடைத்து உள்ளே சென்று பார்த்தபோதுதான் இக்கொடூரம் வெளிச்சத்திற்கு வந்தது. ஆரம்பத்தில் யாரோ அடையாளம் தெரியாத நபர்தான் இதைக் செய்திருக்க வேண்டும் எனப் போலீசார் சந்தேகித்தனர்.
ஆனால், காவல் துறையின் தீவிர விசாரணையில் இந்த வழக்கின் பின்னணியில் இருந்த அதிர்ச்சி தரும் உண்மைகள் வெளியாகின. கஜானி தேவியின் சொந்த மகளான ஷில்பா தாபா மற்றும் அவரது காதலன் சிவநாராயணன் என்ற சோனு ஆகியோர் மீது காவல்துறையின் சந்தேகம் திரும்பியது. பரம்பரைச் சொத்தில் தன் பங்கைக் கேட்பதில் ஷில்பாவிற்கும் அவரது தாயாரிற்கும் இடையே தகராறு இருந்து வந்துள்ளது. அதேவேளையில், ஷில்பாவின் காதல் விவகாரமும் தாயாருக்குப் பிடிக்காததால் குடும்பத்தில் தொடர்ந்து மனக்கசப்பு நிலவி வந்துள்ளது.
https://twitter.com/askbhupi/status/2103882434194649099/video/1
இதையடுத்து, கொலையை நிறைவேற்றுவதற்காக ஷில்பா ஒரு சதித்திட்டம் தீட்டியுள்ளார். கஜானி தேவி தனது சொந்தத் தாய் அல்ல, அவர் ஒரு மாற்றாந்தாய் என்று தனது காதலன் சிவநாராயணனிடம் பொய் கூறியதுடன், சொத்தில் பங்கு தருவதாகவும் ஆசை காட்டியுள்ளார். இந்த ஆசை வார்த்தைகளை நம்பிய சிவநாராயணன், செப்டம்பர் 21 அன்று வீட்டிற்குள் நுழைந்து கஜானி தேவியை நெரித்துக் கொலை செய்துள்ளார். பின்னர் வீட்டின் கதவை வெளிப்புறமாகப் பூட்டிவிட்டு அங்கிருந்து தப்பிச் சென்றுள்ளார்.