ஐயோ… மகனின் வெற்றியைக் கண்டு ரசித்த சில நிமிடங்களில் சோகம்… கண் முன்னாடியே இரும்பு விழுந்திடுச்சு… தஹி ஹண்டியில் தாயின் உயிரைப் பறித்த பயங்கரம்…!

பழைய சங்வி பகுதி 2-ல் விக்னஹர்தா தஹி ஹண்டி மித்ர மண்டல் சார்பில் நடைபெற்ற தஹி ஹண்டி விழாவின் போது, மேடை விளம்பர வளைவு சரிந்து விழுந்ததில் 45 வயதான சல்மா சலாவுதீன் பதான் என்ற பெண் பரிதாபமாக உயிரிழந்தார். தனது மகன் மனித பிரமிடு அமைப்பில் பங்கேற்று தஹி ஹண்டியை உடைப்பதைப் பார்ப்பதற்காக அவர் தனது கணவர் சலாவுதீனுடன் அங்கு சென்றுள்ளார்.

இரவு 10.05 மணியளவில் அவரது மகன் வெற்றிகரமாக ஹண்டியை உடைத்ததைக் கண்டு சல்மா மிகுந்த மகிழ்ச்சியடைந்தார். நிகழ்ச்சி முடிந்த பிறகு, இரவு 10.30 முதல் 10.45 மணிக்கு இடைப்பட்ட நேரத்தில் தம்பதியினர் வீட்டிற்கு புறப்பட்டனர். அதே நேரத்தில், அமைப்பாளர்கள் மேடையில் அமைக்கப்பட்டிருந்த பெரிய வளைவு மற்றும் மின் விளக்கு அமைப்புகளைப் பிரிக்கும் பணியில் ஈடுபட்டிருந்தனர்.

https://twitter.com/HateDetectors/status/2096194128669282480/video/1

அவ்வாறு கட்டமைப்புகளைப் பிரித்துக் கொண்டிருந்த போது, எதிர்பாராதவிதமாக ஒரு கனமான இரும்பு ஆங்கிள் சல்மாவின் தலையில் பலமாக விழுந்தது. இதில் பலத்த காயமடைந்த அவர் சம்பவ இடத்திலேயே உயிரிழந்தார். மேடை அமைப்புகளைப் பிரிக்கும் போது போதுமான பாதுகாப்பு வழிமுறைகள் பின்பற்றப்பட்டதா என்பது குறித்தும், விபத்துக்கான காரணங்கள் குறித்தும் காவல்துறை தீவிர விசாரணை நடத்தி வருகிறது.