அமெரிக்காவில் நிகிதா கொலை வழக்கில் தொடர்புடைய முக்கிய குற்றவாளியான அர்ஜுன் சர்மா (27) என்பவரைத் தெலங்கானா காவல்துறை உத்தரப்பிரதேச மாநிலம் ஆக்ராவில் கைது செய்துள்ளது. கடந்த 2025 டிசம்பர் 31 அன்று அமெரிக்காவின் மேரிலாண்ட் மாகாணத்தில் நடைபெற்ற இக்கொலைச் சம்பவத்திற்குப் பிறகு, தலைமறைவாகி இந்தியாவில் பதுங்கியிருந்த அவர், தற்போது சட்டத்தின் முன் நிறுத்தப்பட்டுள்ளார்.
கைது செய்யப்பட்ட குற்றவாளியை ஆக்ராவிலிருந்து அழைத்து வந்த காவல்துறையினர், டெல்லியில் உள்ள பாட்டியாலா ஹவுஸ் நீதிமன்றத்தில் ஆஜர்படுத்தினர். அமெரிக்கா மற்றும் இந்தியா இடையேயான குற்றவாளிகள் ஒப்பந்தத்தின் கீழ் இவருக்கான சட்டப்பூர்வ நடவடிக்கைகள் தீவிரப்படுத்தப்பட்டுள்ளன.
அமெரிக்க அரசாங்கத்தின் முறையான கோரிக்கையை ஏற்று, அர்ஜுன் சர்மாவை அந்நாட்டிடம் ஒப்படைப்பதற்கான அதிகாரப்பூர்வ நடவடிக்கைகளை மத்தியப் புலனாய்வுத்துறை மற்றும் நீதிமன்றம் தற்போது முன்னெடுத்து வருகின்றன.