பழைய டெல்லியில் வசிக்கும் ஒரு பெண் மதிய வேளையில் வீட்டில் தனியாக இருந்ததால், அருகில் உள்ள சந்தைக்குச் செல்வதற்காக ஊபர் டாக்சியைப் முன்பதிவு செய்தார். ஓட்டுநர் வந்து சேர்ந்ததும், அவரிடம் ஓடிபி எண்ணைப் பகிர்ந்துவிட்டுப் பயணம் தொடங்கினார். வீடடிலிருந்து சுமார் 5 முதல் 7 கிலோமீட்டர் தொலைவில் உள்ள சந்தையை அடைந்ததும், ஓட்டுநர் அவரை இறக்கிவிட்டுச் சென்றார்.
சந்தைக்கு வந்த 10 நிமிடங்களுக்குப் பிறகு, அப்பெண் தன் பையைக் தேடியபோதுதான் அதை டாக்சியிலேயே தவறவிட்டது தெரியவந்தது. உடனடியாக ஓட்டுநருக்கு அழைப்பு விடுத்தார், ஆனால் அவரிடமிருந்து எந்தப் பதிலுமில்லை. இதனால் பதற்றமடைந்த பெண் என்ன செய்வதென்று அறியாமல் தவித்தார்.
ஆனால், அடுத்த 20 நிமிடங்களில் ஓட்டுநரே அப்பெண்ணைத் தொடர்புகொண்டு, “மேடம், உங்கள் பை என் காரிலேயே விடுபட்டுவிட்டது” என்று கூறினார். மனிதநேயத்தோடு, தான் சென்ற பாதையிலிருந்து 2 முதல் 3 கிலோமீட்டர் தூரம் மீண்டும் பின்நோக்கி வந்து, அப்பெண்ணின் பையைப் பத்திரமாக ஒப்படைத்தார். இதுபோன்ற நல்ல மனிதர்களால் தான் இந்த உலகில் மனிதநேயம் இன்னும் உயிர்ப்போடு இருக்கிறது.