இங்கிலாந்து வானிலை ஆய்வு மையம் விடுத்துள்ள எச்சரிக்கையின்படி, பசிபிக் பெருங்கடல் பகுதியில் தொடங்கியுள்ள ‘எல் நினோ’ காரணியின் தாக்கம், கடந்த நூறாண்டுகளில் இல்லாத அளவுக்கு மிகத் தீவிரமாக இருக்கும் எனக் கணிக்கப்பட்டுள்ளது. வழக்கமாக எல் நினோவினால் கடல் மேற்பரப்பு வெப்பநிலை 2 டிகிரி செல்சியஸ் வரை உயரும் நிலையில், வரும் மாதங்களில் இது 3 டிகிரி செல்சியஸ் வரை அதிகரிக்கக் கூடும் எனக் கூறப்பட்டுள்ளது.
இதன் விளைவாக, தென் அமெரிக்கா மற்றும் மேற்கு பசிபிக் போன்ற பகுதிகளில் மிகக் கடுமையான வறட்சி, தீவிர மழைப்பொழிவு மற்றும் சீரற்ற வானிலை பாதிப்புகள் ஏற்படும் அபாயம் உருவாகியுள்ளது. இதன் தொடர்ச்சியாக, வரும் 2027-ஆம் ஆண்டு உலக அளவில் இதுவரை இல்லாத அளவுக்கு மிக வெப்பமான ஆண்டாக பதிவாகும் என வானிலை மையம் எச்சரித்துள்ளது.