அதிமுகவிலிருந்து முன்னாள் அமைச்சர்களும், முன்னணி நிர்வாகிகளும் அடுத்தடுத்து வெளியேறி வரும் சூழலில், கட்சியை வலுப்படுத்த அண்ணாமலையை அதிமுகவிற்குள் கொண்டு வர வேண்டும் என சில மாவட்ட செயலாளர்கள் தீவிரமாக விருப்பம் தெரிவித்து வருவதாக அரசியல் வட்டாரங்களில் பரவலாகப் பேசப்படுகிறது. தற்போது ‘We the Leaders’ என்ற அமைப்பை ஓர் அரசியல் கட்சியாக மாற்றும் முயற்சியில் அண்ணாமலை தீவிரமாக ஈடுபட்டு வரும் வேளையில், அவரை அதிமுகவிற்குள் அழைப்பது தொடர்பாக அக்கட்சியின் மா.செ.க்கள் ரகசிய ஆலோசனையில் ஈடுபட்டுள்ளதாகக் கூறப் படுகிறது
. தொடர் சரிவுகளைச் சந்தித்து வரும் அதிமுகவை மீட்க அண்ணாமலை போன்ற ஒரு தீவிரமான தலைவர் தேவை என ஒரு தரப்பு கருதினாலும், சுயேச்சையான பாதையைத் தேர்ந்தெடுத்துள்ள அண்ணாமலை இந்த அழைப்பை ஏற்பாரா அல்லது தனது சொந்த அரசியல் பயணத்திலேயே கவனம் செலுத்துவாரா என்பதுதான் தற்போதைய தமிழக அரசியலின் மிகப்பெரிய மில்லியன் டாலர் கேள்வியாக உருவெடுத்துள்ளது.