வாஸ்து சாஸ்திரத்தின்படி, வீட்டில் நேர்மறை ஆற்றலை ஈர்க்கவும் செல்வச் செழிப்பை அதிகரிக்கவும் சமையலறை மிக முக்கியமான இடமாகக் கருதப்படுகிறது. இரவு உறங்கச் செல்வதற்கு முன் சமையலறையில் நாம் செய்யும் சில சிறு மாற்றங்கள் வீட்டில் பணத்தட்டுப்பாட்டை நீக்கி லட்சுமி கடாட்சத்தை உண்டாக்கும். குறிப்பாக, அன்று முழுவதும் சமையலுக்குப் பயன்படுத்திய அடுப்பை அசுத்தமாக விடாமல், நன்றியுணர்வுடன் சுத்தமாகத் துடைத்து வைப்பது அவசியம்.
இது வீட்டில் உணவுப் பொருட்களுக்கும் பணத்திற்கும் என்றும் தட்டுப்பாடு ஏற்படாமல் இருக்க உதவும் என்று வாஸ்து நிபுணர்கள் கூறுகின்றனர். அதேபோல், சமையலறைத் தொட்டியில் அழுக்கு பாத்திரங்களைப் போட்டுவிட்டு அப்படியே தூங்கச் செல்வது வீட்டில் எதிர்மறை ஆற்றலை உருவாக்கி கடன் தொல்லைகளுக்கு வழிவகுக்கும் எனவே, இரவு நேரத்திலேயே பாத்திரங்களைக் கழுவித் தூய்மைப்படுத்துவது மிகச் சிறந்தது.
மேலும், சமையலறையை இரவு முழுவதும் முழு இருளில் வைத்திருக்கக் கூடாது. ஒரு சிறிய விளக்கை அல்லது குறைந்த ஒளியுள்ள மின்விளக்கை எரிய விடுவது நேர்மறை சக்தியைத் தக்கவைக்க உதவும். இந்த மூன்று எளிய நடைமுறைகளையும் தவறாமல் கடைப்பிடிப்பதன் மூலம் வீட்டில் செல்வம் பெருகி மகிழ்ச்சி நிலைத்திருக்கும்.