அமெரிக்க முன்னாள் அதிபர் டொனால்ட் டிரம்ப் வெள்ளை மாளிகையின் ஓவல் அலுவலகத்தில் கிறிஸ்தவ போதகர்களுடன் நடத்திய பிரார்த்தனைக் கூட்டம், சீனாவில் எதிர்பாராத விதமாக ஒரு நகைச்சுவையான இணையப் போக்காக (Viral Trend) மாறியுள்ளது. ஈரான் மற்றும் அமெரிக்கா இடையிலான பதற்றமான சூழலில், நாட்டின் பாதுகாப்பு மற்றும் வழிகாட்டுதலுக்காக போதகர்கள் டிரம்பின் தோள்களில் கைகளை வைத்துத் தீவிரமாகப் பிரார்த்தனை செய்தனர். இந்த சீரியஸான ஆன்மீகத் தருணம், சீன சமூக வலைதள பயனர்களின் கைகளில் சிக்கி, அலுவலக மற்றும் தொழிற்சாலைச் சூழலுக்கு ஏற்றவாறு ஒரு பகடி வீடியோ அலையைத் தூண்டியுள்ளது.
Faith leaders gathered in the Oval Office to pray over President Trump — captured in a video released by a Trump adviser. pic.twitter.com/KpJgiv0FQZ
— euronews (@euronews) March 6, 2026
சீனாவின் தொழிற்சாலை ஊழியர்களும், அலுவலகப் பணியாளர்களும் இந்தத் தீவிரமான பிரார்த்தனைச் சைகையை அப்படியே நகலெடுத்து, அதைத் தங்கள் பணியிட நகைச்சுவைக்காகப் பயன்படுத்தி வருகின்றனர். வைரலாகி வரும் பல வீடியோக்களில், ஒரு சக ஊழியரை “தலைவர்” (President) போல அமர வைத்து, மற்ற ஊழியர்கள் அவரைச் சுற்றி நின்று டிரம்ப் வீடியோவில் உள்ளது போலவே அவர் தலையிலும் தோளிலும் கைகளை வைத்துப் பிரார்த்தனை செய்கின்றனர். ஆனால், இந்த “போலி” பிரார்த்தனைக் கூட்டங்கள் நாட்டுப் பாதுகாப்பிற்காக அல்லாமல், சம்பள உயர்வு மற்றும் விற்பனை இலக்குகள் போன்ற அன்றாட வேலை சார்ந்த கோரிக்கைகளுக்காக நடத்தப்படுகின்றன.
Meanwhile in China, the viral White House prayer scene has turned into a full-blown social media trend. Bosses at small businesses and factories are rounding up their employees to make fun of the stunt—forming a circle, placing hands on shoulders or heads, and praying in a… https://t.co/07sc5W7rfq pic.twitter.com/VOFD2TNq0o
— Eivor (@Eivor_Koy) March 11, 2026
குறிப்பாக, மார்ச் மாத விற்பனை இலக்குகளை அடையவும், இயந்திரங்களின் செயல்திறனை அதிகரிக்கவும் ஊழியர்கள் தங்கள் மேலாளரைச் சுற்றி நின்று பிரார்த்தனை செய்வது போன்ற காட்சிகள் சீன இணையதளங்களில் சிரிப்பலைகளை ஏற்படுத்தியுள்ளன. “அலுமினிய வெட்டும் இயந்திரங்களின் விற்பனை அதிகரிக்க வேண்டும் என அதிபர் ஜாங் தலைமையில் சக ஊழியர்கள் பிரார்த்தனை செய்கின்றனர்” என்பது போன்ற நகைச்சுவையான வாசகங்களுடன் இந்தப் பதிவுகள் பகிரப்பட்டு வருகின்றன. சீரியஸான ஒரு அரசியல் நிகழ்வு, சீனாவில் ஒரு குதூகலமான ‘ஆபிஸ் டிரெண்டாக’ மாறியிருப்பது சர்வதேச அளவில் கவனத்தை ஈர்த்துள்ளது.