திருச்சியில் முதலமைச்சர் மு.க.ஸ்டாலின் தலைமையில் நடைபெற்ற திமுக மாநாட்டில் பங்கேற்ற இரண்டு பேர் உயிரிழந்த சம்பவம் பெரும் சோகத்தை ஏற்படுத்தியுள்ளது. புதுக்கோட்டை மாவட்டத்தைச் சேர்ந்த ஜெயராமன் (67) என்பவர் மாநாட்டுத் திடலில் அமர்ந்திருந்தபோது திடீரென ஏற்பட்ட நெஞ்சுவலி காரணமாக உயிரிழந்தார். அதேபோல், பெரம்பலூர் மாவட்டத்தைச் சேர்ந்த சரோஜா (61) என்பவர் மாநாட்டு மைதானத்தின் வாயிலில் திடீரென மயங்கி விழுந்து உயிரிழந்தார்.
இந்த உயிரிழப்பு விவகாரத்தை திமுக தரப்பு திட்டமிட்டு மறைத்துவிட்டதாக பாரதிய ஜனதா கட்சி மற்றும் தமிழக வெற்றிக் கழகத்தினர் சமூக வலைதளங்களில் கடுமையாக விமர்சித்து வருகின்றனர். இச்சம்பவம் அரசியல் வட்டாரத்தில் தற்போது விவாதப் பொருளாக மாறியுள்ளது. இது குறித்து அதிகாரப்பூர்வ தரப்பில் விரிவான விளக்கம் அளிக்கப்பட வேண்டும் எனப் பலரும் கோரிக்கை விடுத்துள்ளனர்.