தமிழக மின் நுகர்வோர் பலருக்குத் தங்கள் மின்சாரப் பயன்பாட்டைக் காட்டிலும் கூடுதல் கட்டணம் வசூலிக்கப்படுவது குறித்த சந்தேகம் நீடித்து வருகிறது. இதற்கான முக்கியக் காரணம், மின்சாரப் பில்லில் நாம் பயன்படுத்தும் யூனிட் கட்டணத்தைத் தாண்டி மறைந்துள்ள கூடுதல் கட்டணங்களே ஆகும்.
இது குறிப்பாக, மின்சாரத்தைப் பயன்படுத்தாவிட்டாலும் வசூலிக்கப்படும் ‘நிலைக்கட்டணம்’ அரசாங்கத்திற்குச் செல்லும் ‘மின் வரி’ மற்றும் நிலக்கரி போன்ற எரிபொருள் விலையேற்றத்தின் அடிப்படையில் கணக்கிடப்படும் ‘எரிபொருள் செலவு சரிசெய்யும் கட்டணம்’ போன்றவை பில் தொகையை அதிகரிக்கச் செய்கின்றன.
மேலும் மற்றொரு முக்கியமான அம்சம், தமிழக மின்வாரியம் பின்பற்றும் ‘அடுக்குமுறை கட்டண முறை’ ஆகும். நீங்கள் பயன்படுத்தும் மின்சாரம் ஒரு குறிப்பிட்ட யூனிட் அளவைத் தாண்டும்போது, மொத்த யூனிட்களுக்கான கட்டணமும் அடுத்த உயர் நிலைக்குச் சென்றுவிடுகிறது.
உதாரணமாக, 500 யூனிட்டிற்குள் பயன்படுத்துபவர்களுக்கும், 500 யூனிட்டைத் தாண்டுபவர்களுக்கும் இடையே கட்டண விகிதத்தில் மிகப்பெரிய வித்தியாசம் காணப்படுகிறது. எனவே, மின்சாரப் பயன்பாட்டைக் குறைப்பதுடன், பில்லில் உள்ள ஒவ்வொரு வரி விவரத்தையும் நுகர்வோர் புரிந்துகொள்வது தேவையற்ற குழப்பங்களைத் தவிர்க்க உதவும்.