சமீபத்தில் திமுக தலைவர் ஸ்டாலினை சந்தித்த தேமுதிக பொதுச் செயலாளர் பிரேமலதா, வருகிற சட்டசபை தேர்தலில் திமுகவுடன் இணைந்த கூட்டணியில் தேமுதிக செயல்படும் என அறிவித்தார். அவர் திமுகவில் இணைந்தது பலதரப்பட்ட விமர்சனங்களை ஏற்படுத்தியுள்ளது. குறிப்பாக திமுகவை வெறுத்த விஜயகாந்துக்கு எதிரான ஒரு நிலைப்பாடு என் பலரும் கூறி வருகின்றனர்.
இந்நிலையில் பாஜக மாநில துணைத் தலைவர் நடிகை குஷ்பு கூறியதாவது, கேப்டன் விஜயகாந்த் தன் வாழ்நாளில் அறிவாலயம் வாசலை கூட மிதிக்காதவர். யாராவது அழைக்க மாட்டார்களா என்று காத்திருந்து வேறு வழியில்லாமல் அவர் மனைவி பிரேமலதா திமுகவுடன் இணைந்துள்ளார். அவரது இந்த முடிவை கேப்டனின் ஆன்மா கண்டிப்பாக மன்னிக்காது என்று நடிகை குஷ்பு ஆவேசமாக கூறியிருக்கிறார்.