தமிழகத்தில் 2026 சட்டமன்றத் தேர்தல் நெருங்கிக் கொண்டிருக்கும் சூழலில் அனைத்து அரசியல் கட்சிகளும் தீவிரமாக தேர்தல் பணியில் ஈடுபட்டு வருகின்றன. குறிப்பாக ஜெயலலிதா மறைவுக்குப் பிறகு தொடர் தோல்விகளை சந்தித்து வரும் ஈ பி எஸ் 2026 தேர்தலில் கட்டாயம் வெற்றி பெற வேண்டும் என்ற எண்ணத்தில் பல வியூகங்களை வகுத்து வருகின்றார். இதற்காக ஒரு வருடத்திற்கு முன்பே பாஜக உடன் கூட்டணி அமைத்த இபிஎஸ் சமீபத்தில் பாமக உடனான கூட்டணியும் உறுதி செய்தார். இது ஒரு பக்கம் இருக்க மறுப்பக்கம் முக்கிய பிரபலங்கள் பலரும் அதிமுகவில் இணைந்த வண்ணம் உள்ளனர்.
இந்நிலையில் லாட்டரி மாட்டினின் மனைவி லீமா ரோஸ் அதிமுகவில் இணைந்துள்ளார். வரும் தேர்தலில் திருவாடனை தொகுதியில் போட்டியிட விருப்பம் தெரிவித்துள்ளதாகவும் தகவல் வெளியாகி உள்ளது. ஆதவ் அர்ஜுனா தமிழக வெற்றிக்கழகம் கட்சியில் உள்ள நிலையில் அவருடைய மைத்துனர் ஜோஸ் சார்லஸ் அண்மையில் புதுவையில் LJK என கட்சியை தொடங்கினார். அடுத்த அரசியல் நகர்வாக லீமா ரோஸ் அதிமுகவில் இணைந்துள்ளது அரசியல் களத்தில் பேசு பொருளாகியுள்ளது.