தமிழக அரசியல் களம் தேர்தலை முன்னிட்டு பல்வேறு திருப்பங்களை எதிர்கொண்டு வருகின்றது. குறிப்பாக விஜயின் அரசியல் வருகை என்பது தமிழக அரசியல் களத்தை புரட்டிப்போட்டு விட்டது. விஜய்க்கு அரசியல் அனுபவம் இல்லை என்று பலரும் விமர்சித்து வந்த நிலையில் அதற்கு முற்றுப்புள்ளி வைக்கும் விதமாக அரசியலில் 50 ஆண்டுகால அனுபவம் கொண்ட முன்னாள் அமைச்சர் செங்கோட்டையன் தமிழக வெற்றி கழகம் கட்சியில் இணைந்தது கூடுதல் பலத்தை ஏற்படுத்தியுள்ளது.
அதிமுகவில் இருந்து நீக்கப்பட்ட பிறகு இவர் தனது அமைச்சர் பதவியை ராஜினாமா செய்துவிட்டு விஜய் முன்னிலையில் தமிழக வெற்றி கழகம் கட்சியில் தன்னை இணைத்துக் கொண்டார். மேலும் அதிருப்தி அமைச்சர்கள் பலரும் விஜய் கட்சியில் வர உள்ளனர்கள் எனவும் அதற்கான வேலைகளை நானே செய்வேன் என்றும் சபதம் எடுத்திருந்தார்.
இப்படியான நிலையில் ஓபிஎஸ்யின் ஆதரவாளராக இருந்த ஜே சி டி பிரபாகரன், புதுச்சேரி முன்னாள் பாஜக தலைவர் சாமிநாதன், அதிமுக முன்னாள் எம்எல்ஏ பல் பாக்கி கிருஷ்ணன் போன்றோரை தமிழக வெற்றிக்கழகம் கட்சியில் சேர்த்த செங்கோட்டையன் அடுத்ததாக ஓபிஎஸ் இன் ஆதரவாளரான வைத்தியலிங்கம் மற்றும் அதிமுகவின் மூத்த நிர்வாகி பெரியசாமி போன்ற முக்கிய தலைகளை குறி வைத்துள்ளதாக தகவல் வெளியாகி உள்ளது. ஓபிஎஸ் கூடிய விரைவில் தமிழக வெற்றி கழகம் கட்சியில் இணைவார் என்று செங்கோட்டையன் கூறிய நிலையில் அதற்கு முன்பு அவருடன் இருப்பவர்கள் ஒவ்வொருவராக விஜய் கட்சியில் இணைவது ஓபிஎஸ் இணைப்பையும் உறுதிப்படுத்தியுள்ளது.