தமிழகத்தில் 2026 ஆம் ஆண்டு சட்டமன்றத் தேர்தலை எதிர்கொள்ள பாஜக அதிமுகவுடன் கூட்டணி அமைத்துள்ளது. இந்த முறை எப்படியாவது ஆட்சியைப் பிடிக்க வேண்டும் என அதிமுக பல வியூகங்களை வகுத்து வரும் நிலையில் மீண்டும் அதிமுக ஒன்றிணைய வேண்டும் என பலரும் குரல் எழுப்பி வருகிறார்கள். அதன்படி NDA கூட்டணியில் இபிஎஸ் முதல்வர் வேட்பாளராக இருக்கும் வரை கூட்டணியில் இணைய மாட்டோம் என டிடிவி தினகரன் மற்றும் ஓபிஎஸ் ஆகியோர் கூறி வருகிறார்கள் . தற்போது அவர்கள் இருவருமே பாஜகவுடன் தொடர்ந்து நெருக்கம் காட்டி வரும் நிலையில் கூட்டணி குறித்து அறிவிப்பு இதுவரை வெளியிடப்படாமல் உள்ளனர்.
அதே சமயம் சமீபத்தில் புதிய கட்சியை தொடங்கிய ஓபிஎஸ் யாருடன் கூட்டணி அமைக்க போகிறார் என்ற எதிர்பார்ப்பும் தொடர்ந்து நிலவி வருகிறது. இந்நிலையில் ஓபிஎஸ்ஐ தன் பக்கம் இருக்கும் முனைப்பில் திமுக இருப்பதாக கூறப்படுகிறது. திமுகவில் இணைய வேண்டும் என்றால் இணை பொது செயலாளர் பதவி வேண்டும் என ஓபிஎஸ் டிமாண்ட் செய்வதாகவும் தகவல் வெளியாகியுள்ளது. இரண்டு முறை முதல்வராகவும் ஜெயலலிதா தலைமை பொருளாளராகவும் இருந்ததால் இந்த டிமாண்ட் அவர் முன் வைக்கிறாராம். ஆனால் அப்படி ஒரு பதவி திமுகவில் இல்லை என்பதால் துணைப் பொதுச்செயலாளர் பதவி கொடுப்பது பற்றி ஆலோசிக்கப்படுவதாக பேசப்படுகிறது.