தமிழகத்தில் 2026 தேர்தலுக்கு பிறகு கூட்டணி அமைச்சரவை உருவாக வாய்ப்புள்ளதாக தேமுதிக பொதுச் செயலாளர் விஜயகாந்த் தெரிவித்துள்ளார். கூட்டணி தொடர்பாக நிர்வாகிகளுடன் ஆலோசித்து விரைவில் நல்ல முடிவு அறிவிக்கப்படும் எனவும் தெரிவித்துள்ளார். இன்று புத்தாண்டு வாழ்த்து தெரிவித்த பிறகு செய்தியாளர்களுடன் பேசிய பிரேமலதா விஜயகாந்த், எங்களுடைய நிர்வாகிகள் மற்றும் தொண்டர்களை ஆலோசித்து கூட்டணி குறித்து விரைவில் நல்ல முடிவை அறிவிப்போம். மத்திய அமைச்சர் அமைச்சரின் வருகையை ஒட்டி எங்களுக்கு எந்த அழைப்பும் விடுக்கப்படவில்லை.
பாஜகவிடமிருந்து யாரும் எங்களுடன் பேசவில்லை. நாங்கள் தேமுதிக மாநாட்டிற்கான பணிகளை தான் தற்போது செய்து வருகின்றோம். 2026 ஆம் ஆண்டு தமிழ்நாட்டுக்கு ஒரு மிகப்பெரிய மாற்றம் வரும். இதுவரை தமிழ்நாடு காணாத தேர்தல் வெற்றியாக 2026 தேர்தல் இருக்கப் போகிறது. நிச்சயம் கூட்டணி அமைச்சரவை அமைய வாய்ப்புள்ளது. மாற்றங்கள் வருவதற்கு அதிக வாய்ப்பு இருக்கின்றது. அது தமிழ்நாடு மக்களுக்கு பயனளிக்கக் கூடியதாக இருக்கும் என்று பிரேமலதா பேசியுள்ளார்.