மலையாள பட நடிகை மற்றும் இயக்குனர் கீது மோகன்தாஸ் டைரக்சனில் டாக்ஸிக் என்ற படம் உருவாகியுள்ளது. இந்த படத்தில் கேஜிஎஃப் பட நடிகர் யஷ் ஹீரோவாக நடித்திருக்கிறார். படத்தை கேவிஎன் புரொடக்சன்ஸ் நிறுவனம் தயாரித்துள்ளது, இந்த படத்தில் நயன்தாரா கியாரா அத்வானி ருக்மணி வசந்த் மற்றும் ஹூமா குரேஷி உள்ளிட்டோரும் நடித்துள்ளனர். இந்த படம் கன்னடம் மற்றும் ஆங்கிலம் என 2 மொழிகளில் உருவாகி வருகிறது. வரும் 2026 மார்ச் 19ம் தேதி டாக்ஸிக் படத்தை ரிலீஸ் செய்ய திட்டமிடப்பட்டுள்ளது.
சமீபத்தில் டாக்ஸிக் படத்திலிருந்து கியாரா அத்வானி ஹூமா குரேஷி ஆகியோரின் ஃபர்ஸ்ட் லுக் போஸ்டர்கள் வெளியானது. இதைத் தொடர்ந்து இன்று டாக்ஸிக் படத்தில் இருந்து நடிகை நயன்தாராவின் ஃபர்ஸ்ட் லுக் போஸ்டர் வெளியிடப்பட்டுள்ளது. அதில் கங்கா என்ற கேரக்டரில் நடித்துள்ளார் என்ற தகவலும் அந்த போஸ்டரில் அறிவிக்கப்பட்டுள்ளது.
டாக்ஸிக் படத்தில் மிகவும் ஸ்டைலான தோற்றத்தில் பில்லா ஆரம்பம் ஜவான் போன்ற படங்களில் இருந்தது போன்று நயன்தாரா காணப்படுகிறார். மேலும் இந்த படத்தில் நயன்தாரா படத்தின் ஹீரோ யஷ்க்கு அக்கா கேரக்டரில் வில்லத்தனமான ஒரு தோற்றத்தில் நடித்துள்ளதாகவும் கூறப்படுகிறது.