விஜய் டிவியில் இருந்து சிவகார்த்திகேயன் சந்தானம் கவின் ரோபோ சங்கர் கேபிஒய் பாலா உள்ளிட்டோர் தமிழ் சினிமாவுக்குள் வந்து இப்போது ஹீரோவாக நடித்து வருகின்றனர். இதில் காமெடி ரோலில் பல படங்களில் நடித்த ரோபோ சங்கர் மட்டும் ஓரிரு படங்களில் ஹீரோவாக நடிக்க கமிட் ஆனார். இந்நிலையில் ரோபோ சங்கர் திடீரென உடல்நலக்குறைவால் மறைந்து விட்டார்.
தமிழ் சினிமாவில் நடிகர் சிவகார்த்திகேயன் இப்போது உச்ச நட்சத்திரமாக உள்ளார். காமெடி ரோலில் நடித்த சந்தானம் தொடர்ந்து ஹீரோவாக நடித்து வருகிறார். கேபிஒய் பாலாவும் காந்தி கண்ணாடி படம் மூலம் ஹீரோவாகி விட்டார். கவின் பல படங்களில் நடித்து இளம் ஹீரோவாக வளர்ந்து வருகிறார்.
இந்நிலையில் விஜய் டிவியில் இருந்து அடுத்ததாக ராமர் தமிழ் சினிமாவில் ஹீரோவாக என்ட்ரி கொடுக்கிறார். விஜய் டிவியில் காமெடி ஷோக்களில் நடித்து பிரபலமானவர் ராமர். இப்போது அவர், சற்று நேரத்தில் தீர்ப்பு என்ற படத்தில் ஹீரோவாக நடித்திருக்கிறார். இந்த படத்தின் பர்ஸ்ட் லுக் போஸ்டர் இப்போது வெளியாகி உள்ளது. அதை நடிகர் விஜய் சேதுபதி ரிலீஸ் செய்திருக்கிறார் என்பது குறிப்பிடத்தக்கது.