தமிழக வெற்றி கழகம் கட்சியுடன் காங்கிரஸ், ஓபிஎஸ் தரப்பு மற்றும் அதிமுகவின் முக்கிய தலைவர்கள் இணைய உள்ளதாக தகவல் வெளியாகி வரும் நிலையில் பொங்கல் முடிந்ததும் தமிழக அரசியலில் பெரிய திருப்புமுனை ஏற்படும் என்று செங்கோட்டையன் தெரிவித்துள்ளார். மேலும் அதிமுகவிலிருந்து முக்கிய புள்ளிகள் மிக விரைவில் தமிழக வெற்றி கழகம் கட்சியில் இணைவார்கள் என்றும் அவர் கூறியுள்ளார். இது தொடர்பாக செய்தியாளர்களை சந்தித்து பேசிய செங்கோட்டையன், ஓபிஎஸ் மாவட்ட செயலாளர் களில் பெரும்பாலானோர் தமிழக வெற்றி கழகம் கட்சியில் இணைய வேண்டும் என்று கருத்தை தெரிவித்துள்ளனர்.
இறுதி முடிவை ஓபிஎஸ் மட்டுமே எடுப்பார். கூட்டணி குறித்து தலைமை என்ன முடிவு செய்கிறதோ அதை நாங்கள் ஏற்றுக் கொள்கிறோம். அதிமுகவில் இருந்து முக்கிய புள்ளிகள் விரைவில் தமிழக வெற்றி கழகம் கட்சியில் இணைவார்கள். பொங்கல் முடிந்ததும் தமிழக அரசியலில் மிகப்பெரிய மாற்றங்களை காணலாம் என்று செங்கோட்டையன் கூறியுள்ளது அரசியல் அரங்கில் புதிய பரபரப்பை ஏற்படுத்தியுள்ளது.