தமிழக வெற்றிக் கழகத்தில் (தவெக) மாவட்டச் செயலாளர்கள் மீதான அடுத்தடுத்த புகார்கள் தலைமைக்கு நெருக்கடியை ஏற்படுத்தியுள்ளன. தமிழக வெற்றிக் கழகத்தின் மாவட்டச் செயலாளர்கள் மீது எழுந்து வரும் புகார்கள் அக்கட்சியின் தலைமைக்கு பெரும் தலைவலியை ஏற்படுத்தியுள்ளன. ஏற்கனவே தூத்துக்குடி மாவட்டச் செயலாளர் தொடர்பான விவகாரம் முழுமையாக முடிவுக்கு வராத நிலையில், தற்போது மதுரை வடக்கு மாவட்டச் செயலாளர் விஜயன்பனுக்கு எதிராக உள்ளூர் நிர்வாகிகள் போர்க்கொடி தூக்கியுள்ளனர். கட்சிப் பதவிகளை வழங்குவதற்கு விஜயன்பன் சுமார் ₹5 லட்சம் வரை பணம் வசூலிப்பதாக நிர்வாகிகள் தரப்பில் அதிரடி குற்றச்சாட்டுகள் முன்வைக்கப்பட்டுள்ளன.
அக்கட்சியின் அடிமட்ட நிர்வாகிகள் மற்றும் மாவட்டச் செயலாளர்களுக்கு இடையே ஏற்பட்டுள்ள இந்த மோதல் போக்கு, கட்சித் தலைவர் விஜய்க்குப் பெரும் சங்கடத்தை ஏற்படுத்தியுள்ளதாகத் தெரிகிறது. மாவட்ட நிர்வாகிகளின் செயல்பாடுகள் குறித்து அடுத்தடுத்து புகார்கள் எழுவது, வரும் தேர்தலுக்காகக் கட்சியை வலுப்படுத்தும் பணிகளில் பாதிப்பை ஏற்படுத்தக்கூடும் எனத் தொண்டர்களிடையே பேசப்படுகிறது.