கர்நாடக மாநிலத்தில் கல்லூரி மாணவி ஒருவரை அவரது காதலனே நண்பர்களுடன் சேர்ந்து கூட்டுப் பாலியல் வன்கொடுமை செய்த அதிர்ச்சிச் சம்பவம் நிகழ்ந்துள்ளது. பாதிக்கப்பட்ட மாணவியின் காதலன் விகாஸ், அந்த மாணவியுடன் நெருக்கமாக இருந்ததை அவரது நண்பர் ரகசியமாக வீடியோ எடுத்துள்ளார். அந்த வீடியோவைக் காட்டி மிரட்டி, விகாஸ் மற்றும் அவரது நண்பர்களான சேத்தன், பிரசாந்த் ஆகிய மூவரும் மாணவியைப் பலமுறை கூட்டுப் பாலியல் வன்கொடுமை செய்துள்ளனர்.
பாதிக்கப்பட்ட மாணவி அளித்த புகாரின் பேரில் வழக்குப் பதிவு செய்த போலீசார், காதலன் விகாஸ் உட்பட மூன்று பேரையும் அதிரடியாகக் கைது செய்து சிறையில் அடைத்தனர். பெண்களுக்கு எதிரான குற்றங்கள் குறித்த புகார்களை அளிக்க அல்லது சட்ட உதவிகளைப் பெற தேசிய பெண்கள் ஆணையத்தின் (NCW) இணையதளத்தைத் தொடர்புகொள்ளலாம். அவசர உதவிக்கு 181 அல்லது 1091 ஆகிய எண்களை அழைக்கலாம்.