அந்த படத்தில் நடிக்க உடனே ஓகே சொன்ன நடிகர் அஜீத்குமார் – டைரக்டர் சொன்ன அந்த ஒரு வார்த்தை தான் காரணமா?

அஜீத்குமார் போன்ற நட்சத்திர நடிகர்களை வைத்து படம் இயக்க வேண்டும் என்பது பெரும்பாலான இயக்குனர்களின் கனவாக இருக்கிறது. ஆனால் அவரிடம் நேரடியாக கதை சொல்லும் வாய்ப்பு அவ்வளவு எளிதாக இயக்குனர்களுக்கு கிடைக்காது. பெரிய நட்சத்திரங்களை பலரும் எளிதில் நெருங்கி விட முடியாது. அப்படியே வாய்ப்பு கிடைத்தாலும் உடனே ஓகே சொல்லும் விதமாக கதையை சொன்னால் மட்டுமே கிளிக் ஆகும். அந்த விதத்தில் பல ஆண்டுகளுக்கு முன் அஜீத்குமார் நடிப்பில் வெளியான படம் ஆழ்வார்.

அந்த சமயத்தில் நான் கடவுள் படத்தில் நடிக்க கமிட் ஆன அஜீத்குமார் இயக்குனர் பாலாவுடன் ஏற்பட்ட பிரச்னைகளால் அந்த படத்தில் இருந்து விலகி விட்டார். அப்போது ஆழ்வார் படத்துக்காக கதை சொல்ல சென்ற இயக்குனர் அஜீத்குமாரிடம், படத்தில் நீங்கள் தொடர்ந்து பல பேரை கொலை செய்கிறீர்கள். ஒரு கட்டத்தில் ஏன் இப்படி கொலை செய்கிறீர்கள் என்று கேட்கிற போது, நான்தான் கடவுள் என்கிறீர்கள் என்று கூறியிருக்கிறார். நான் கடவுள் படத்தில் நடிக்கும் வாய்ப்பு நழுவிய நேரத்தில் இப்படி ஒரு வார்த்தையை இயக்குனர் சொன்னதும் உடனே அந்த படத்தில் நடிக்க ஓகே சொல்லியிருக்கிறார் அஜீத்குமார்.