தென்காசி மாவட்டம் சுரண்டை பகுதியில் பைக் மற்றும் காய்கறி ஏற்றி சென்ற மினி லாரி மோதியதில் மூன்று பேர் உயிரிழந்த சம்பவம் சோகத்தை ஏற்படுத்தியுள்ளது. தென்காசி மாவட்டம் சுரண்டை நகர மன்ற உறுப்பினர் உஷா பிரபு (40) அவருடைய கணவர் அருள் செல்வம் (50), அவருடைய தங்கை (35) ஆகிய மூன்று பேரும் ஒரே பைக்கில் சுரண்டை சாரங்கன் கோவில் சாலையில் சென்று கொண்டிருந்தனர்.
இரட்டைக் குளம் பகுதியில் சென்ற போது எதிரே வந்த காய்கறி ஏற்றி வந்த மினி லாரி மோதி விபத்து ஏற்பட்டதில் சம்பவ இடத்திலேயே மூன்று பேரும் பரிதாபமாக உயிரிழந்தனர். உடனே தகவல் அறிந்து சம்பவ இடத்திற்கு வரைந்த போலீசார் மூன்று பேரின் சடலங்காய் மீட்டு பிரேத பரிசோதனைக்கு அனுப்பி வைத்தனர். இந்த சம்பவம் குறித்து போலீசார் வழக்கு பதிவு செய்து தீவிர விசாரணை நடத்தி வருகிறார்கள்.