டிட்வா புயலைத் தொடர்ந்து தமிழக கடலோர மாவட்டங்களுக்கு கனமழைக்கான ரெட் அலர்ட் எச்சரிக்கை விடுத்துள்ளது வானிலை ஆய்வு மையம். காலை 8.30 மணி நிலவரம் படி புயலானது சென்னையில் இருந்து 380 கிலோமீட்டர் தூரத்திலும், நாகையின் வேதாரண்யத்தில் இருந்து 140 கிலோ மீட்டர் தூரத்தில் உள்ளதாக கூறப்பட்டுள்ளது. தற்போது புயல் வேதாரண்யத்தை நெருங்கியதாக வானிலை ஆய்வு மையம் தெரிவித்துள்ளது.
மணிக்கு 8 கிலோமீட்டர் வேகத்தில் நகர்ந்து வரும் புயலானது சென்னைக்கு 60 கிலோ மீட்டர் தூரம் வரை நெருங்கும் என்றும் தரையைத் தொட வாய்ப்பில்லை என்றும் கடலுக்குள்ளேயே கரையை கடந்து விடும் என்றும் கணிக்கப்பட்டுள்ளது. அதேசமயம் நாளை மாலை புயல் கரையை கடக்கும் என கணிக்கப்பட்டுள்ள நிலையில் தமிழகத்தில் இரண்டு நாட்களுக்கு கனமழை தொடரும் என எச்சரிக்கை விடுக்கப்பட்டுள்ளது.