வங்கக் கடலில் ஏற்பட்ட வானிலை மாற்றங்கள் காரணமாக தற்போது குமரி கடல் பகுதியில் புதிய காற்றழுத்த தாழ்வு பகுதி உருவாகியுள்ளதாக இந்திய வானிலை ஆய்வு மையம் அறிவித்துள்ளது. இந்த காற்றழுத்த தாழ்வு பகுதி அடுத்த 24 மணி நேரத்தில் மேலும் வலுப்பெறும். அதேசமயம் அந்தமான் கடலில் நிலவும் மற்றொரு காற்றழுத்த தாழ்வு பகுதி அடுத்து 6 மணி நேரத்தில் காற்றழுத்த மண்டலமாக வலுப்பெற்று அடுத்த மூன்று நாட்களில் சென்யார் புயலாக மாறும் என்று எச்சரிக்கை விடுக்கப்பட்டுள்ளது.
இதனால் தமிழகத்தில் இன்று முதல் நவம்பர் 30ஆம் தேதி வரை மிக கனமழை பெய்ய வாய்ப்புள்ளது. இன்றும் நாளையும் தென் தமிழகத்தின் பல மாவட்டங்களுக்கு மஞ்சள் எச்சரிக்கை விடுக்கப்பட்டுள்ளது. குறிப்பாக நவம்பர் 29ஆம் தேதி சென்னைக்கு மிக கனமழைக்கான ஆரஞ்சு எச்சரிக்கை விடுக்கப்பட்டுள்ளது.