மாதவரம் அருகே தனியார் கம்பெனியில் வேலை முடிந்து வீட்டுக்கு திரும்பிய பெண்ணிடம் ஆபாசமாக பேசிய நபரை போலீசார் கைது செய்துள்ள சம்பவம் பரபரப்பை ஏற்படுத்தியுள்ளது. மாதவரம் பொன்னியம்மன் மேடு பகுதியில் வசித்து வரும் 31 வயது பெண் ஒருவர் தனியார் நிறுவனத்தில் வேலை பார்த்து வருகின்றார். இவர் ஜிஎன்டி சாலையில் உள்ள ஒரு தேநீர் கடையில் தேனீர் அருந்தியுள்ளார். அந்த சமயத்தில் அங்கு வந்த நபர் ஒருவர் அந்த பெண்ணின் தோள்பட்டையில் கையை வைத்து ஆபாசமாக பேசினார்.
இதனால் அதிர்ச்சி அடைந்த அந்த பெண் அவருடைய கையை தட்டி விட்டு உடனே காவல் நிலையத்திற்குச் சென்று புகார் அளித்துள்ளார். இது குறித்து தகவல் அறிந்து சம்பவ இடத்திற்கு விரைந்த போலீசார் அங்கிருந்த நபரை அழைத்துச் சென்ற விசாரித்ததில் அவர் பொன்னியம்மன் மேடு பகுதியை சேர்ந்த மோசஸ் என்ற அப்பு (25) என்பது தெரியவந்துள்ளது. அவர் மீது தற்போது போலீசார் வழக்கு பதிவு செய்து தீவிர விசாரணை நடத்தி வருகிறார்கள்.