2026 ஆம் ஆண்டு சட்டமன்றத் தேர்தலை எதிர்கொள்ள அனைத்து கட்சிகளும் தயாராகி வருகின்றன. இந்த முறை திமுக, அதிமுக, தமிழக வெற்றி கழகம் மற்றும் நாம் தமிழர் கட்சி என நான்கு முனை போட்டியின் நிலவுகிறது. குறிப்பாக இபிஎஸ் பாஜக உடன் கூட்டணி வைத்துள்ளதால் விஜயும் தங்கள் கட்சியில் இணைந்து விட்டால் எப்படியும் ஆட்சியைப் பிடித்து விடலாம் என்ற நம்பிக்கையில் விஜய் உடன் தொடர்ந்து பேச்சு வார்த்தை நடத்தி வருகின்றார். ஆனால் கூட்டணி பேச்சுக்கு விஜய் இடம் கொடுக்காமல் கட்சிப் பணிகளில் தீவிரம் காட்டி வருகிறார்.
இந்நிலையில் 10 படங்கள் நன்றாக ஓடினாலே முதலமைச்சர் ஆகலாம் என்ற மாயையில் யார் யாரோ புதிதாக கிளம்பியிருக்கிறார்கள் என நடிகர் விஜய்யை நத்தம் விஸ்வநாதன் மறைமுகமாக சாடியுள்ளார். புதிதாக கட்சி தொடங்கியவுடன் நான்தான் முதலைச்சர் என்று கூறுவதைப் பற்றி மக்கள் ஆழமாக சிந்திக்க வேண்டும். முன்னதாக முன்னாள் அமைச்சர் KP முனுசாமியும், சினிமா மாயையில் சிலர் கிளம்பியுள்ளதாக விஜய்யை விமர்சித்திருந்தது கவனிக்கத்தக்கது.