தமிழகத்தில் 2026 ஆம் ஆண்டு சட்டமன்றத் தேர்தல் நெருங்கிக் கொண்டிருக்கும் சூழலில் தற்போது தேர்தல் களம் சூடுபிடிக்க தொடங்கிவிட்டது. குறிப்பாக தனது கூட்டணியை பலமாக வைத்திருக்கும் முதல்வர் ஸ்டாலின் திமுக ஆட்சியை மீண்டும் தமிழகத்தில் நிலைநாட்டி விடலாம் என்ற எண்ணத்தில் செயல்பட்டு வருகிறார். முக்கிய கட்சிகளை தங்கள் கூட்டணியில் இணைக்கும் முயற்சியும் நடந்து கொண்டிருக்கிறது. அதேசமயம் ஓரணியில் தமிழ்நாடு என்ற உறுப்பினர் சேர்க்கையில் மாற்றுக் கட்சியினர் பலரும் திமுகவில் இணைந்து வருகின்றன.
இந்நிலையில் யாரும் எதிர்பார்க்காத திருப்பமாக தேமுதிக 8 தொகுதிகள் என்ற உடன்படிக்கையுடன் திமுக கூட்டணியில் இணைய உள்ளதாக தகவல் வெளியாகி உள்ளது. 2011 ஆம் ஆண்டு தேர்தலுக்குப் பிறகு எந்த தேர்தலிலும் வெற்றி பெறாததால் 2026 தேர்தலை தேமுதிக மிக முக்கியமானதாக கருதுகிறது. இதனால் வெற்றி வாய்ப்புள்ள கூட்டணியில் சேர நிர்வாகிகள் தலைமைக்கு அறிவுறுத்தி வருகின்றனர். மற்றொருபுறம் ராமதாசை திமுக கூட்டணியில் சேர்க்கவும் பேச்சுவார்த்தை நடந்து வருவது குறிப்பிடத்தக்கது.