தமிழகத்தில் 2026 ஆம் ஆண்டு சட்டமன்றத் தேர்தல் நடைபெறுவதற்கு இன்னும் சில மாதங்கள் மட்டுமே உள்ளதால் தேர்தல் களம் பரபரப்பாக செயல்பட்டு வருகிறது. அதிமுக மற்றும் திமுக இடையே தொடரும் போட்டியில் நடிகர் விஜயும் களத்தில் இறங்கியுள்ளதால் 2026 சட்டமன்றத் தேர்தல் களம் பரபரப்பாக மாறி உள்ளது. இதனிடையே கரூர் விவகாரத்தை தங்கள் ஆதரவாக மாற்றிக் கொள்ளும் வகையில் அதிமுக மற்றும் பாஜகவினர் நடவடிக்கை எடுத்துள்ளனர். ஆனால் விஜய் கூட்டணி யாருடன் அமைக்கப் போகிறார் என்பது பெரும் எதிர்பார்ப்பாக உள்ளது.
இதனிடையே தமிழக வெற்றிக்கழகம் கட்சி தொடங்கியதில் இருந்து திமுகவை எதிர்த்து தான் விமர்சனங்களை விஜய் முன்வைத்து வருகின்றார். பல இடங்களில் தமிழக வெற்றிக்கழகம் மற்றும் திமுக இடையே தான் போட்டி என்று விஜய் வெளிப்படையாகவே கூறியுள்ளார். இந்நிலையில் திமுக மற்றும் அதிமுக இடையே தான் போட்டி, தமிழக வெற்றி கழகம் மற்றும் நாம் தமிழர் கட்சி இடையே தான் போட்டி என அரசியல்வாதிகள் கூறி வருகிறார்கள். அதன்படியே சீமான் பல இடங்களில் தொடர்ந்து விஜயை காரசாரமாக விமர்சித்து வருகிறார். சீமானின் விமர்சனங்களுக்கு தமிழக வெற்றிக்கழகம் கட்சியினர் பதில் கொடுக்காமல் இருந்தாலும் அது விஜய்க்கு அதிக மவுசு ஏற்படுத்துவதாக கூறப்படுகிறது.