தமிழகத்தில் 2026 ஆம் ஆண்டு சட்டமன்றத் தேர்தல் நடைபெறுவதற்கு இன்னும் சில மாதங்கள் மட்டுமே உள்ளதால் தேர்தல் களம் பரபரப்பாக செயல்பட்டு வருகிறது. அதிமுக மற்றும் திமுக இடையே தொடரும் போட்டியில் நடிகர் விஜயும் களத்தில் இறங்கியுள்ளதால் 2026 சட்டமன்றத் தேர்தல் களம் பரபரப்பாக மாறி உள்ளது. இதனிடையே கரூர் விவகாரத்தை தங்கள் ஆதரவாக மாற்றிக் கொள்ளும் வகையில் அதிமுக மற்றும் பாஜகவினர் நடவடிக்கை எடுத்துள்ளனர். ஆனால் விஜய் கூட்டணி யாருடன் அமைக்கப் போகிறார் என்பது பெரும் எதிர்பார்ப்பாக உள்ளது.
இதனிடையே கரூர் சம்பவத்திற்கு பிறகு தமிழக வெற்றிக்கழகம் தலைவர் விஜயை தேசிய ஜனநாயக கட்சி NDA கூட்டணியில் சேர்க்க அதிமுக மற்றும் பாஜக கட்சிகள் தீவிரமாக முயற்சித்து வருகின்றன. இப்படியான நிலையில் கூட்டணி அமைப்பது தொடர்பாக விஜய் இடம் ஆந்திர துணை முதல்வர் பவன் கல்யாண் தொலைபேசியில் பேசியதாக தகவல் வெளியாகி உள்ளது. மேலும் NDA கூட்டணியில் இணைந்தால் விஜய்க்கு துணை முதல்வர் பதவி வழங்கப்படுவதாகவும் கூறப்பட்டதாக அரசியல் வட்டாரங்களில் பேசப்பட்டு வருகிறது.