இந்தியாவில் கடந்த சில வருடங்களாகவே நாள்தோறும் குற்றச்சம்பவங்கள் அதிகரித்து வருகின்றன. அதிலும் குறிப்பாக பெண்களுக்கு எதிரான குற்றங்கள் நாளுக்கு நாள் அதிகரித்த வண்ணம் உள்ளது. நாட்டின் ஏதாவது ஒரு மூலையில் தினம் தோறும் குற்ற சம்பவங்கள் நடந்து கொண்டுதான் இருக்கின்றன. இந்தியாவில் குற்றங்களின் எண்ணிக்கை ஆண்டுதோறும் அதிகரித்து வருகிறது.
இது தொடர்பாக NCRB வெளியிட்டுள்ள அறிக்கையின்படி 2023 ஆம் ஆண்டு ஒரு நிமிடத்திற்கு ஒரு திருட்டு, மூன்று நிமிடங்களுக்கு ஒரு மோசடி, நான்கு நிமிடங்களுக்கு ஒரு குடும்ப வன்முறை, 5 நிமிடங்களுக்கு 1 கொள்ளை, 6 நிமிடங்களுக்கு ஒரு பாலியல் வன்கொடுமை, 17 நிமிடத்திற்கு ஒரு கொலை, 18 நிமிடத்திற்கு ஒரு பலாத்காரம் நடந்துள்ளது. 2023 ஆம் ஆண்டு ஒப்பிடும்போது கடந்த ஆண்டில் இது மேலும் அதிகரித்துள்ளதாக கணிக்கப்படுகிறது. இந்த அறிக்கை பலரையும் அதிர்ச்சியில் ஆழ்த்தியுள்ளது.