தெலுங்கானாவில் மின்வாரிய அதிகாரி வீட்டில் சோதனை நடத்தியதில் ரூ.300 கோடி மதிப்புள்ள சொத்துகள் வாங்கியது கண்டுபிடிக்கப்பட்டுள்ள சம்பவம் அதிர்ச்சியை ஏற்படுத்தியுள்ளது. ஐதராபாத்தில் மின்சாரத்துறை துணை பொறியாளராக பணியாற்றி வரும் அம்பேத்கர் மீது வருமானத்திற்கு அதிகமாக சொத்து சேர்த்ததாக எழுந்த புகாரில், வழக்குப்பதிவு செய்த ஊழல் தடுப்புத்துறையினர், அவருக்கு சொந்தமான இடங்களில் சோதனை நடத்தினர்.
இதில், செர்லிங்கம்பள்ளியில் ஒரு குடியிருப்பு, கச்சிபவுலியில் ஆறு மாடி கட்டிடம் உட்பட ஏராளமான சொத்துகள் இருப்பதை கண்டுபிடித்தனர். அவரது பினாமி சதீஷின் வீட்டில் இருந்து ரூ.2.18 கோடி பறிமுதல் செய்யப்பட்டது. இதனையடுத்து கைது செய்யப்பட்டு நீதிமன்றத்தில் ஆஜர்படுத்தப்பட்ட அம்பேத்கரை 14 நாட்கள் நீதிமன்ற காவல் அறிவிக்கப்பட்டுள்ளது.