வீட்டு உபயோகப் பொருட்கள் முதல் ஆயுள் காப்பீடு வரை… மொத்தமாக மாறிய ஜிஎஸ்டி… என்னென்ன மாற்றங்கள்…?

மத்திய அமைச்சர் நிர்மலா சீதாராமன் தலைமையில், GST கவுன்சில் கூட்டத்தில் முக்கிய சில முடிவுகள் எடுக்கப்பட்டுள்ளது. அதன்படி 12 %, 28 % ஆகிய GST வரி அடுக்குகள் நீக்கப்பட்டு, 5 %, 18 % என 2 GST வரி அடுக்குகளை மட்டுமே செப்டம்பர் 22 முதல் அமலுக்கு வர உள்ளது.

மேலும் உயிர்காக்கும் மருந்துகள், பால், ரொட்டி, சப்பாத்தி, மாணவர்களுக்கு தேவையான எழுது பொருட்கள், வரைபடங்கள் மீதான GST வரி முழுவதும் நீக்கப்பட்டது. வீட்டு உபயோக பொருட்கள், மல்லிகை பொருட்கள், ஹேர் ஆயில், ஷாம்பூ, பேஸ்ட், நாப்கின், மருத்துவ டயப்பர்கள், வெண்ணை, நெய், நொறுக்கு தீனிகள், தையல் இயந்திரம் மற்றும் அதன் உதிரி பாகங்கள் போன்றவற்றிற்கு 12%ல் இருந்த GST  5 % ஆக குறைக்கப்பட்டுள்ளது. இதேபோல் இரு சக்கர வாகனங்கள், சரக்கு வாகனங்கள், வீடுகளில் பயன்படுத்தும் ஏசி, டிவி, கார் போன்றவற்றிற்கு 28 % ஆக இருந்த GST வரி 18 % ஆக குறைக்கப்பட்டுள்ளது.

மேலும் சிகரெட், பான் மசாலா, கார்பனேற்ற குளிர்பானங்களுக்கு 28% ஆக GST  இருந்த வரி, 40 % ஆக உயர்த்தப்பட்டு, சிறப்பு வரி பிரிவில் சேர்க்கப்பட்டுள்ளது.