தமிழக மக்களுக்கு புதிய விடியலை தரப்போகிறேன் என்று நடிகர் விஜய் களத்தில் இறங்கியுள்ளார். சமீபத்தில் TVK இரண்டாவது மாநில மாநாடு பிரம்மாண்டமாக நடைபெற்ற நிலையில் திமுக தான் தங்களுக்கு ஒரே எதிரி எனவும் விஜய் கூறியிருந்தார். தற்போது முழுமையாக விஜய் அரசியலில் களமிறங்கியுள்ள நிலையில் அடுத்தடுத்து காய் நகர்த்தி வருகிறார்.
இந்நிலையில் வருகின்ற செப்டம்பர் மாதத்தில் இருந்து மக்கள் சந்திப்பை நடத்த அக்கட்சி தலைவர் விஜய் முடிவு செய்துள்ளாரார். விஜய் தலைமையில் கூட்டணி அமையவுள்ளதாக TTV தினகரன் பேசியது விவாதப்பொருளாக மாறியிருக்கிறது. பாஜக கூட்டணியில் அமமுக இருப்பதாக TTV தினகரன் சொன்னாலும், கூட்டணியை நாங்கள் தான் முடிவு செய்வோம் என எடப்பாடி அதை ஏற்க மறுக்கிறார். இதற்கிடையில் எடப்பாடி பழனிச்சாமி முதுகில் குத்திவிட்டதாக பிரேமலதா சாடியுள்ளார். இதனால், தமிழக வெற்றிக் கழக கூட்டணியில் அமமுக, தேமுதிக, புதிய தமிழகம், ஓபிஎஸ் இடம்பெற வாய்ப்புள்ளதாக அரசியல் விமர்சகர்கள் கூறுகின்றனர்.