தமிழகத்தில் பள்ளி மாணவர்களின் நலனை கருதி அரசு சார்பில் ஏராளமான திட்டங்கள் செயல்படுத்தப்பட்டு வருகிறது. அதன்படி தற்போது பள்ளி மாணவர்களுக்கு இமெயில் முகவரி உருவாக்கி தர ஆசிரியர்களுக்கு உத்தரவிடப்பட்டுள்ளது. தமிழக திறன் மேம்பாட்டு கழகம் வழங்கும் இணையதள சான்றிதழ் சரிபார்ப்பு, உயர்கல்வி போட்டி தேர்வுகளுக்கு விண்ணப்பித்தல், உயர்கல்விக்கு விண்ணப்பித்தல் என அனைத்து செயல்பாடுகளுக்கும் மாணவர்களுக்கு தனித்தனியே இமெயில் முகவரி தேவைப்படுவதால் கடந்த ஆண்டு அரசு பள்ளிகளில் 9 முதல் 12 ஆம் வகுப்பு வரை படிக்கும் மாணவர்களுக்கு ஈமெயில் முகவரி உருவாக்க உதவி செய்யும் படி ஆசிரியர்களுக்கு உத்தரவிடப்பட்டது.
தொடர்ந்து இந்த வருடமும் ஒன்பதாம் வகுப்பு வந்துள்ள மாணவ மாணவிகளுக்கும் கடந்த ஆண்டு ஈமெயில் உருவாக்காத 10 முதல் 12-ம் வகுப்பு வரையிலான மாணவர்களுக்கும் பள்ளியிலேயே இமெயில் முகவரி உருவாக்கி தர உத்தரவிடப்பட்டுள்ளது. இதனை எமிஸ் இணையதளத்தில் பதிவு செய்யவும் ஆசிரியர்களுக்கு அறிவுறுத்தப்பட்டுள்ளது.