இன்றைய காலகட்டத்தில் மக்கள் அனைவருக்கும் வங்கி கணக்கு என்பது அவசியமான ஒன்றாக உள்ளது. நிதி சார்ந்த தேவைகளுக்கு வங்கி கணக்கு அனைவரும் வைத்திருக்க வேண்டும் என அரசு அறிவுறுத்தி வருகிறது. அதேசமயம் அரசு வழங்கும் உதவித்தொகைகளையும் இன்று வங்கிக் கணக்கு மூலமாக மக்களுக்கு செலுத்தி வருவதால் அனைவருமே வங்கிக் கணக்கு வைத்திருக்கின்றனர். இப்படியான நிலையில் 10 அல்லது அதற்கு மேலான ஆண்டுகள் செயல்பாட்டில் இல்லாத வங்கி கணக்குகளை புதுப்பிக்க வேண்டும் என்று ரிசர்வ் வங்கி சார்பில் அறிவுறுத்தப்பட்டுள்ளது.
பயன்பாட்டில் இல்லாத வங்கி கணக்குகளை புதுப்பிக்க வங்கிக் கிளைக்கு சென்று கேஒய்சி அப்டேட் செய்ய வேண்டும். இந்த கேஒய்சி அப்டேட்டில் வீடியோ வெரிஃபிகேஷனும் உண்டு. இவ்வாறு செய்யாவிட்டால் ரிசர்வ் வங்கியின் DEA நிதிக்கு அனுப்பப்படும். அதாவது டெபாசிட் செய்பவர்களின் நலன்களை மேம்படுத்துவதற்கு பயன்படுத்தப்படும் நிதிதான் DEA ஆகும். இவை அனைத்தும் உடனடியாக அமலுக்கு வருவதாக ரிசர்வ் வங்கி அறிவித்துள்ளது.