மாஸாக அறிமுகமானது ஆப்பிள் ஐபோன் 16 சீரிஸ் போன்கள்.. சிறப்பம்சங்கள் என்னென்ன..?

உலகம் முழுவதும் ஆப்பிள் ஐபோன் பிரியர்கள் பெரிதும் எதிர்பார்த்த ஆப்பிள் நிகழ்ச்சியை நேற்று இரவு நடைபெற்ற நிலையில் பெரும் எதிர்பார்ப்புகளுக்கு இடையே இந்த நிகழ்ச்சியில் ஆப்பிள் ஐபோன் 16 சீரிஸ் வெளியானது. ஆப்பிளின் அடிப்படை மாடலான ஐபோன் 16, ஐபோன் 16 ப்ளஸ், ஐபோன் 16 ப்ரோ, ஐபோன் 16 ப்ரோ மேக்ஸ் ஆகிய மாடல்களுடன் 4th ஜெனரேஷன் ஏர்பாட்ஸ், ஐஓஎஸ் 18 இயங்கு தளம், ஆப்பிள் வாட்ச் 10 ஆகியவை அறிமுகம் செய்யப்பட்டுள்ளன.

ஐபோன் 16 மாடலில் 6.1 இன்ச் திரை கொண்டுள்ளது. ஐபோன் 16 ப்ளஸ் மாடலில் 6.7 இன்ச் திரை வெளியாகி உள்ளது. ஏ 18 பிராசசர், 48 மெகாபிக்சல் உடன் கூடிய மெயின் கேமரா, 12 மெகா பிக்சல் கொண்ட அல்ட்ரா ஒயிட் கேமரா, டைப் சி சார்ஜிங் போர்ட் என அசத்தல் அப்டேட்டுகள் இந்த மாடலில் உள்ளன. கருப்பு, வெள்ளை மற்றும் டைட்டானியம் என மொத்தம் ஐந்து வண்ணங்களில் இந்த வெளியாகி உள்ளது.

இந்த மாடல் போன்களின் ஃப்ரீ ஆர்டர் விரைவில் தொடங்கும். செப்டம்பர் 13ஆம் தேதி மாலை 5.30 மணிக்கு ஃப்ரீ ஆர்டர் இந்தியாவில் தொடங்குகிறது. இந்திய சந்தையில் ஐபோன் 16 மாடல் போன் ரூ.79,000 ஆக இருக்கும். . ஐபோன் 16 பிளஸ் மாடல் போன்கள் ரூ.89,900-விலையிலும் ஐபோன் 16 ப்ரோ ரூ.1,19,000-ஆக நிர்ணயிகப்பட்டுள்ளது. ஆப்பிள் நிறுவனத்திம் ப்ரீமியம் மாடலான 16 ப்ரோ மேக்ஸ் மாடல், இந்திய சந்தைகளில் ரூ. 1 லட்சத்து 44 ஆயிரத்து 900 ஆக இருக்கும்.