பா ரஞ்சித் இயக்கத்தில் விக்ரம் தங்கபான் திரைப்படத்தில் நடித்துள்ளார். இந்த படத்தில் பசுபதி, பார்வதி, மாளவிகா மோகன், முத்துக்குமார், ஹரிகிருஷ்ணன், ஹாலிவுட் நடிகர் டானியல் ஆகியோர் முக்கிய கதாபாத்திரத்தில் நடித்துள்ளனர். இந்த படத்திற்கு ஜி.வி பிரகாஷ் குமார் இசையமைத்துள்ளார். தமிழ், தெலுங்கு, ஹிந்தி, மலையாளம், கன்னடம் உள்ளிட்ட மொழிகளில் வருகிற 15-ஆம் தேதி தங்கலான் திரைப்படம் பிரம்மாண்டமாக ரிலீசாக உள்ளது.
இந்த படத்தில் வித்தியாசமான கதாபாத்திரத்தில் விக்ரம் நடித்துள்ளார். ஷூட்டிங் ஏற்கனவே முடிவடைந்ததால் தற்போது படக்குழுவினர் ப்ரமோஷன் வேலைகளில் ஈடுபட்டுள்ளனர். இந்த நிலையில் பிரஸ் மீட் நிகழ்ச்சியில் விக்ரம் பேசியதாவது, இங்கிலாந்து நடிகர் டானியல் பெரிய ஆக்டராக இருப்பார். நம்ம கூட எல்லாம் எங்க பேச போறாரு. தனியா இருப்பார் என்று நினைச்சேன். ஆனால் அவர் எங்க கூட சேர்ந்து தான் டிராவல் பண்ணினார்.
இந்த ஆளு என்ன நடிக்க போறார்னு கூட நினைச்சு இருக்கேன். ஆனா எதிர்பாக்காத அளவுக்கு சூப்பரா நடிச்சிருக்காரு. அவருக்கு காலில் பிராப்ளம் இருக்கு அதையும் பொருட்படுத்தாமல் படத்துல நடிச்சிருக்காரு. எல்லா காட்சிகளையும் நடிச்சு முடிச்சு விட்டு டேனியல் போய்ட்டாரு. அவருக்கு காலில் ஆபரேஷன் நடந்திருக்கு. அந்த டைம்ல படத்தோட கிளைமாக்ஸ் காட்சி திரும்ப வேற மாதிரி எடுத்தா நல்லா இருக்குன்னு யோசிச்சு ரஞ்சித் என்கிட்ட சொன்னாரு.
ஞானவேலும் அதுக்கு ஓகே சொல்லிட்டாரு. நானும் ஓகே சொல்லிட்டேன். அந்த டைம் தான் டேனியல் ஆபரேஷன் காலோட வந்தாரு. அவரும் நான் பண்றேன் ஓகே சொல்லிட்டாரு. ஏற்கனவே நடிச்சு முடிச்சு சண்டைக்காட்சியை டேனியல் ஆப்ரேஷன் செய்த காலோட அப்படியே பண்ணாரு. அவரு வலியில் துடிச்சாரு. ஆனாலும் கஷ்டப்பட்டு நடித்து கொடுத்திருக்கிறார். படத்துல ஒவ்வொருத்தரும் ரொம்ப இம்போர்ட்டண்ட் கொடுத்து நடிச்சிருக்காங்க என பேசி உள்ளார்.
