பிரபல நடிகையான ரகுல் ப்ரீத் சிங் கடந்த 2009-ஆம் ஆண்டு ரிலீசான கன்னட திரைப்படம் மூலம் திரையுலகில் தனது பயணத்தை ஆரம்பித்தார். அவருக்கு 33 வயது ஆகிறது. ரகுல் ப்ரீத் சிங் கன்னடம் மற்றும் தெலுங்கு மொழி திரைப்படங்களில் நடித்து வந்தார். கடந்த 2011-ஆம் ஆண்டு தமிழில் ரிலீசான யுவன் என்ற திரைப்படத்தின் மூலம் தமிழ் திரை உலகில் என்ட்ரி கொடுத்தார்.
கடந்த 2012-ஆம் ஆண்டு அருண் விஜய் நடிப்பில் ரிலீசான தடையறத் தாக்க படம் ரகுல் பிரீத் சிங்குக்கு நல்ல வரவேற்பை தேடி கொடுத்தது. இவர் கார்த்தியுடன் இணைந்து தீரன் அதிகாரம் ஒன்று படத்திலும் நடித்துள்ளார்.
இவர் தமிழ் மட்டும் இல்லாமல் தெலுங்கு, மலையாளம், ஹிந்தி, கன்னடம் உள்ளிட்ட மொழி திரைப்படங்களில் நடித்து தற்போது முன்னணி நடிகையாக வலம் வருகிறார். இந்த ஆண்டு தொடக்கத்தில் தமிழில் சிவகார்த்திகேயன், ரகுல் ப்ரீத் சிங் நடிப்பில் அயலான் திரைப்படம் ரிலீஸ் ஆனது.
பிரபல தயாரிப்பாளரான ஜாக்கி பக்னானியும் ரகுல் பிரீத் சிங்கம் நீண்ட நாட்களாக காதலித்து வந்தனர் கடந்த பிப்ரவரி மாதம் 21ஆம் தேதி இருவருக்கும் கோவாவில் வைத்து பிரம்மாண்டமாக திருமணம் நடைபெற்றது. திருமணத்திற்கு பிறகும் ரகுல் ப்ரீத் சிங் தொடர்ந்து நடித்து வருகிறார். கமல்ஹாசனின் இந்தியன் 2 படத்திலும் இவர் நடித்துள்ளார்.
இந்த படம் வருகிற ஜூலை மாதம் 12-ஆம் தேதி ரிலீசாக உள்ளது. சோஷியல் மீடியாவில் ஆக்டிவாக இருக்கும் ரகுல் ப்ரீத் சிங் அவ்வபோது போட்டோஷூட் எடுத்து புகைப்படங்களை வெளியிடுவார். தற்போது மார்டன் உடையில் ரகுல் ப்ரீத் சிங் பகிர்ந்த போட்டோஸ் வேகமாக பரவி வருகிறது.
