வெங்கட் பிரபு இயக்கத்தில் உருவாகும் டிகிரேட்டஸ்ட் ஆப் ஆல் டைம் படத்தில் விஜய் பிஸியாக நடித்துக் கொண்டிருக்கிறார். பொதுவாக ஒரு படத்தின் போஸ்ட் ப்ரடக்ஷன் வேலைகள் நடந்து கொண்டிருக்கும் போது அடுத்த படத்திற்கான பணிகளில் விஜய் இறங்கி விடுவார்.
அந்த வகையில் விஜய்யின் 69-ஆவது படத்தை இயக்குனர் எச். வினோத் இயக்க உள்ளதாக தகவல் வெளியானது. ஆனால் அதிகாரப்பூர்வ அறிவிப்பு வரவில்லை. அந்த படத்தின் ஷூட்டிங் ஆகஸ்ட் மாதம் முதல் தொடங்கும் என எதிர்பார்க்கப்பட்டது.
ஆனால் அக்டோபர் மாதம் படத்தின் ஷூட்டிங் தள்ளி வைத்திருப்பதாக தகவல் வெளியாகியுள்ளது. தனது 69-ஆவது படத்திற்கு பிறகு சினிமாவில் இருந்து விலகி அரசியல் ஈடுபட போவதாக விஜய் ஏற்கனவே அறிவித்தார். தனி கட்சியையும் தொடங்கினார்.
விஜய் அரசியல் மாநாடு நடத்த திட்டமிட்டு இருப்பதாக தகவல் வெளியானது. மாநாடு நடத்துவதற்கு தேர்தல் ஆணையத்தின் அனுமதி மிகவும் அவசியம். இதனால் அனுமதிக்காக விஜய் காத்துக் கொண்டிருக்கிறாராம்.
சில மாதங்கள் அரசியல் பணிகளில் ஈடுபட்டு விட்டு அக்டோபர் மாதம் 69-ஆவது படத்தின் ஷூட்டிங்கில் விஜய் கலந்து கொள்வார் என கூறப்படுகிறது. கோட் திரைப்படம் செப்டம்பர் 5ஆம் தேதி ரிலீஸ் ஆவது குறிப்பிடத்தக்கதாகும். இந்த தகவலை யூடியூப் வலைப்பேச்சு சேனலில் கூறியுள்ளனர்.
