சூப்பர் ஸ்டார் ரஜினிகாந்த் டிஜே ஞானவேல் இயக்கத்தில் உருவாகும் வேட்டையன் படத்தில் பிஸியாக நடித்துக் கொண்டிருக்கிறார். முன்னதாக நெல்சன் இயக்கத்தில் சூப்பர் ஸ்டார் ரஜினிகாந்த் நடித்த ஜெயிலர் படம் மாபெரும் அளவில் வெற்றி பெற்றது.
அடுத்ததாக லோகேஷ் கனகராஜ் இயக்கத்தில் சன் பிக்சர்ஸ் நிறுவனம் தயாரிக்கும் தலைவர் 171-வது படத்தில் ரஜினிகாந்த் நடிக்க உள்ளார். கடைசியாக லோகேஷ் கனகராஜ் இயக்கத்தில் வெளியான லியோ படம் மாபெரும் அளவில் வெற்றி பெற்றது. இந்த நிலையில் தலைவர் 171-வது படத்தின் பிரீ ப்ரோடுக்ஷன் வேலைகள் விறுவிறுப்பாக நடந்து முடிந்து விட்டது.
விரைவில் ஷூட்டிங் தொடங்க உள்ளது. வேட்டையின் பட ஷூட்டிங் இறுதிக்கட்டத்தை நெருங்கி விட்டதால் ரஜினி அதை முடித்துவிட்டு தலைவர் 171 வது படத்தின் ஷூட்டிங்கில் கலந்து கொள்வார் என எதிர்பார்க்கப்படுகிறது. தலைவர் 171- வது படத்தில் ரன்வீர் சிங் முக்கிய கதாபாத்திரத்தில் நடிக்க உள்ளதாக தகவல் வெளியாகியுள்ளது.
இந்த நிலையில் தளபதி படத்தில் ரஜினிகாந்த்தின் ஜோடியாக நடித்த ஷோபனா தலைவர் 171-வது படத்திலும் நடிக்க உள்ளாராம். ஆனால் அவர் ரஜினிகாந்தின் ஜோடியாக இல்லாமல் சப்போர்ட் ரோல் ஆகவும் நெகட்டிவ் கதாபாத்திரத்திலும் நடிக்க வாய்ப்பு இருப்பதாக சினிமா வட்டாரத்தில் பேசப்படுகிறது.
