பிரபல நடிகையான ரோஜா ஆந்திர மாநில சுற்றுலாத்துறை மந்திரியாக இருக்கிறார். இந்நிலையில் தெலுங்கு தேசம் கட்சியை சேர்ந்த முன்னாள் மந்திரி பண்டாரு சத்திய நாராயணமூர்த்தி அளித்த பேட்டியில் நடிகை ரோஜா ஆபாச படத்தில் நடித்த கூறி அவதூறாக பேசியுள்ளார். இதுகுறித்து ஒய்.எஸ்.ஆர் காங்கிரசார் அளித்த புகாரின் பேரில் பண்டாரு சத்திய நாராயணமூர்த்தி கைது செய்யப்பட்டு பின்னர் ஜாமீனில் விடுவிக்கப்பட்டார்.
முன்னாள் அமைச்சரின் கருத்துக்கு பதில் அளிக்கும் விதமாக சமீபத்தில் ஒரு பேட்டியில் பேசிய ரோஜா, ஒரு முன்னாள் மந்திரி என்னை பற்றி இவ்வளவு மோசமாக பேசியுள்ளார். அவரது வீட்டிலும் மனைவி, மகள், மருமகள்கள் இருக்கின்றனர். அதனை நினைவில் வைத்துக் கொண்டு அவர் பேச வேண்டும். சினிமாவில் இருந்து அரசியலுக்கு வந்தால் இப்படி எல்லாம் பேசுவீர்களா என கேள்வி எழுப்பி கதறி அழுதார்.
நடிகை ரோஜாவுக்கு ஆதரவை தெரிவிக்கும் விதமாக குஷ்புவும், ராதிகாவும் வீடியோ வெளியிட்டனர். அந்த வீடியோ ஆந்திராவில் வேகமாக பரவி வருகிறது. இந்நிலையில் திருப்பதி பத்திரிகையாளர் மன்றத்தில் ஜனசேனா கட்சியின் திருப்பதி நகர பொறுப்பாளர் கிரண் ராயல் பேசியதாவது, ரோஜா மிகவும் ஆபத்தானவர். அவர் ரஜினிகாந்த், சிரஞ்சீவி, எங்களுடைய கட்சி தலைவர் பவன் கல்யாண் ஆகியோர் பற்றி என்னென்ன பேசினார் என்பது குஷ்பூ, ராதிகா ஆகியோருக்கு தெரியாது.
இது தொடர்பான வீடியோக்களை குஷ்பூ ராதிகா ஆகியோரின் விலாசங்களை தேடி கண்டுபிடித்து அனுப்பி வைக்கிறோம். அதனைக் கேட்டுவிட்டு நீங்களே விமானம் ஏறி நகருக்கு வந்து ரோஜாவை எதனால் அடிக்க வேண்டுமோ அதனால் அடியுங்கள். ஆந்திராவிலும் நடிகைகள் இருக்கின்றனர். ரோஜா இடம்பெற்றிருக்கும் ஒய்.எஸ்.ஆர் காங்கிரஸ் கட்சியில் பெண்கள் சட்டமன்ற உறுப்பினர்களாக இருக்கின்றனர். ஆந்திராவைச் சேர்ந்த நடிகைகள், அவர் கட்சியில் இருக்கும் பெண் சட்டமன்ற உறுப்பினர்கள், நகரி தொகுதி பொதுமக்கள் ஆகியோர் ரோஜாவுக்கு ஆதரவாக எதுவும் பேசவில்லை. அவரைப் பற்றி தெரியாமல் நீங்கள் பேசுகிறீர்கள் என கிரண் ராயல் கூறியுள்ளார்.
