வாட்ஸ்அப் குழுவில் மதம் மாறக் கட்டாயமா…? டிசிஎஸ் நிறுவனத்தில் கைதான 8 பேர்…. தேடப்படும் முக்கியக் குற்றவாளி…!!

நாசிக் நகரில் உள்ள டிசிஎஸ் (TCS) அலுவலகத்தில் பெண் ஊழியர்களுக்குப் பாலியல் தொல்லை அளித்ததாகவும், கட்டாய மதமாற்ற முயற்சியில் ஈடுபட்டதாகவும் தொடரப்பட்ட வழக்கில், முக்கியக் குற்றவாளியான நிதா கானுக்கு இடைக்கால ஜாமீன் வழங்க நீதிமன்றம் மறுத்துவிட்டது. தான் இரண்டு மாத கர்ப்பிணியாக இருப்பதால் கைது நடவடிக்கையிலிருந்து விலக்கு அளிக்க வேண்டும் என அவர் கோரியிருந்த நிலையில், நாசிக் நீதிமன்ற நீதிபதி கே.ஜி. ஜோஷி அந்த மனுவை நிராகரித்தார். இது தொடர்பாக ஏப்ரல் 27-ம் தேதிக்குள் பதிலளிக்குமாறு காவல் துறைக்கு உத்தரவிடப்பட்டுள்ளது.

இந்த விவகாரத்தில் ஊழியர்களை அசைவ உணவு உண்ண வற்புறுத்தியது மற்றும் குறிப்பிட்ட மத நடைமுறைகளைப் பின்பற்றுமாறு கட்டாயப்படுத்தியது உள்ளிட்ட புகார்களின் அடிப்படையில் இதுவரை 8 பேர் கைது செய்யப்பட்டுள்ளனர். நிதா கான் அந்த நிறுவனத்தின் மனிதவள மேலாளர் (HR) அல்ல, அவர் ஒரு சாதாரண பணியாளர் தான் என்பதை டிசிஎஸ் நிர்வாகம் தெளிவுபடுத்தியுள்ளது. தற்போது நிதா கானைத் தேட மூன்று தனிப்படைகள் அமைக்கப்பட்டுள்ள நிலையில், சிறப்புப் புலனாய்வுக் குழுவினர் இந்த மத உணர்வுகளைப் புண்படுத்தும் விவகாரம் குறித்துத் தீவிர விசாரணை நடத்தி வருகின்றனர்.