ஸ்ரீவித்யா முதல், சிம்ரன் வரை.. சர்ச்சைகள் நிறைந்த கமலின் காதல் வாழ்க்கை.. கமலுடன் வாழ்ந்த நடிகைகள் யார் யார் தெரியுமா..?

இன்று நடிகர் கமல்ஹாசன் தனது 70வது பிறந்த நாளை கொண்டாடி வருகிறார். ஆனால், ஆரம்பத்தில் இருந்தே கமல்ஹாசனை காதல் இளவரசன் என்றுதான் அழைப்பது வழக்கம். ஏனென்றால் அவர் சினிமாவில் மட்டுமல்ல, நிஜ வாழ்க்கையிலும் காதல் கலைகளில், தான் சகலகலா வல்லவன் என நிரூபித்தவர் அவரது சினிமா வாழ்க்கையில் 6 பெண்களுடன் அவர் காதலனாக வாழ்ந்திருக்கிறார்.

அதில் இருவருக்கு தாலி கட்டி ஒரு கணவனாக- மனைவியுடன் குடும்பம் நடத்தி இருக்கிறார். ஸ்ருதி ஹாசன், அக்‌ஷரா ஹாசன் இரு பெண் குழந்தைகளுக்கு தந்தையாகி இருக்கிறார். அவரது காதல் வாழ்க்கை குறித்தும், பெண்களின் உறவு குறித்தும் நிறைய தகவல்கள் இருக்கின்றன.

ஆரம்ப காலத்தில் நடன இயக்குநராக தமிழ் சினிமாவுக்குள் நுழைந்து, அபூர்வ ராகங்கள் படத்தில் நடித்த போது, நடிகை ஸ்ரீவித்யாவுடன் கமலுக்கு காதல் ஏற்பட்டிருக்கிறது. 20 வயது கமலை, 22 வயது ஸ்ரீவித்யா விழுந்து விழுந்து காதலித்து இருக்கிறார். ஆனால், அவர்களது காதல் நிறைவேறவில்லை. இறுதி காலத்தில், கேரளாவில் நோய்வாய்பட்டு இருந்த ஸ்ரீவித்யாவை நேரில் சென்று நலம் விசாரித்தார்

கமல். அடுத்து, இவரது வாழ்வில் வந்தவர் நடனக்கலைஞர் வாணி கணபதி. பேரழகியாக இருந்த இவரை, கமல் காதலித்து மணம் புரிந்தார். ஆனால், 10 ஆண்டுகளாகியும் குழந்தை இல்லாததால், இவரை பிரிந்ததாக கூறப்படுகிறது. தொடர்ந்து 3வதாக குஜராத்தி நடிகை சரிகாவை, காதல் மணம் புரிந்தார் கமல். அவருக்கு பிறந்த குழந்தைகள்தான் ஸ்ருதி, அக்‌ஷரா.

இந்நிலையில், சரிகாவுடன் வாழ்ந்த காலத்தில் கவுதமி உடன் கமல் இணைந்த நடித்த படங்களில் இருவருக்கும் அதிக நெருக்கம் ஏற்பட்டது. ஒரு கட்டத்தில் அதை சரிகா கண்டித்த நிலையில், இருவருக்கும் பிரச்னை ஏற்பட்டதால் சரிகா, கமலை விட்டு நிரந்தரமாக பிரிந்தார். இந்நிலையில், பம்மல் கே சம்மந்தம், பஞ்ச தந்திரம் உள்ளிட்ட படங்களில் நடித்த போது சிம்ரனுடன் கமலுக்கு நெருக்கம் உண்டானது. ஆனால், 22 வயது மூத்தவர் கமல் என்பதால், சிம்ரன் ஒரு கட்டத்தில் விலகி, வேறொருவரை திருமணம் செய்து கொண்டார்.

இதையடுத்து புற்றுநோயால் பாதிக்கப்பட்டிருந்த கவுதமி மீது கரிசனம் காட்டிய கமல், அவருடன் தாலி கட்டாமலேயே கணவன், மனைவி போல சேர்ந்து வாழ்ந்தார். 16 ஆண்டுகளுக்கு மேல் இந்த உறவு நீடித்தது. இந்நிலையில், பூஜாகுமாருடன் ஏற்பட்ட பழக்கம், இறுக்கமான நட்பாக உருவாக, கவுதமியையும் பிரிந்த கமல், இப்போது முரட்டு சிங்கிளாக இருக்கிறார். ஆனால், நடிகை பூஜாகுமாருடன் அவரது நட்பு தொடர்வதாக கூறப்படுகிறது.