பாட்டாளி மக்கள் கட்சியின் தலைவர் அன்புமணி ராமதாஸ் வெளியிட்டுள்ள 2026-27 நிழல் பட்ஜெட்டில், நிர்வாக வசதிக்காகவும் மக்கள் நலனுக்காகவும் 5 புதிய மாவட்டங்களை உருவாக்க முன்மொழிந்துள்ளார். அதன்படி, தஞ்சாவூரிலிருந்து கும்பகோணம், கடலூரிலிருந்து விருத்தாசலம், திருவண்ணாமலையிலிருந்து செய்யாறு அல்லது ஆரணி, கோவையிலிருந்து பொள்ளாச்சி மற்றும் திண்டுக்கல்லிருந்து பழனி ஆகியவை தனி மாவட்டங்களாகத் தரம் உயர்த்தப்படும் எனக் குறிப்பிடப்பட்டுள்ளது.
மேலும், தமிழகத்தில் எதிர்காலத்தில் மாவட்டங்களின் எண்ணிக்கையை 60-ஆக உயர்த்துவது குறித்து விரிவாக ஆராய வல்லுநர்கள் குழு அமைக்கப்படும் என்றும் அறிவிக்கப்பட்டுள்ளது. சிறிய மாவட்டங்களை உருவாக்குவதன் மூலம் அரசுத் திட்டங்களை மக்களிடம் விரைவாகக் கொண்டு சேர்க்க முடியும் என்பதே இந்த முன்மொழிவின் பிரதான நோக்கமாகும்.