மாடியில் விளையாடிய 3 வயது குழந்தை.. திடீரென கேட்ட பயங்கர சத்தம்… நொடி பொழுதில் நடந்த துயர சம்பவம்…!

கடலூர் மாவட்டம் காட்டுமன்னார்கோவில் உடையாக்குடி பிள்ளையார் கோவில் தெருவை சேர்ந்த ஆனந்த் என்பவருடைய மூன்று வயது மகன் சுஷாந்த் குருமா கொட்டியதில் உயிரிழந்த சம்பவம் அதிர்ச்சியையும் சோகத்தையும் ஏற்படுத்தியுள்ளது. கடந்த நவம்பர் 18ஆம் தேதி வீட்டில் விளையாடிக் கொண்டிருந்த குழந்தை மாடியிலிருந்து தடுமாறி கீழே விழுந்ததால் கீழே போடப்பட்டுள்ள தகர சீட்டில் விழுந்து ஹோட்டலுக்கு தயார் செய்து வைத்திருந்த சூடான சால்னா குருமா அண்டா மீது விழுந்துள்ளது.

குழந்தைக்கு கீழே விழும்போது அண்டா சாய்ந்து குருமா குழந்தையின் மேலே கொட்டி விட்டது. இதில் 90% படுகாயம் அடைந்த குழந்தை மருத்துவமனையில் சிகிச்சைக்காக அனுமதிக்கப்பட்டு தீவிர சிகிச்சை அளிக்கப்பட்ட நிலையில் சிகிச்சை பலன் இன்றி இன்று பரிதாபமாக உயிரிழந்தது. குழந்தைக்கு பிரேத பரிசோதனை நாளை நடைபெற உள்ள நிலையில் இந்த சம்பவம் பெரும் சோகத்தையும் அதிர்ச்சியையும் ஏற்படுத்தி உள்ளது.